♥•ŁάкэŋĦά•♥ بــويات ولــيديز

♥•ŁάкэŋĦά•♥ بــويات ولــيديز

    قصه حلوه وانشالله تعجبكم

    شاطر
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:36 pm


    البارت الاول :

    المكان جمعية الشامية الساعة 7 المغرب
    شيخة توها داشه مصافط الجمعيه : وييييييييييييييييه هذا بدع لمتى بيتم وراي ... شكله لزقة
    صفطت سيارتها ويت بتنزل الجمعية
    الريال : شدعوة .... شهالنفسيه ... قلنا حلوه بس مو تنغرين
    شيخة(بقلبها ) : وييييييييييييه نوعه يقط كلام .......... ياربي ليش انا دايم يلحقوني هيييييييلق ... خاطري لو مره يلحقني واحد سنع ... الظاهر شكلي فيه شي يجذب الهيلق
    الريال: يلا عاد بلا تغلي ... سجلي رقمي
    شيخة ( بقلبها ) : اهم شي اني بتغلا عليك من شاف شكلك ......
    دشت شيخة الجمعية رايحه قسم المكياج وهو للحين لاحقها : يبا ما يحتاج مكياج انتي اصلا حلوة بلا مكياج
    شيخة : لوسمحت اخوي ماله داعي هالحركات وتحرج نفسك وتحرجني ... يعني كلش مو حلوه بحقي وحقك اللي قاعد تسويه
    الريال : خلاص عيل سجلي رقمي عشان امشي
    شيخة ( بقلبها ) : لا هذا صج يفهم ... وحقرته ومشت عنه بس لوع جبدها ماخلاها تعرف تشتري شي كل ما مسكت شي قعد يعلق ويعطي رايه . هونت شيخة وماشرت شي... وطلعت من الجمعية وهي طالعة لقت شرطي صدفة بدش الجمعية
    شيخة : لوسمحت شرطي
    الشرطي( وهو مو عاجبه ) : نعم اختي ... خير ؟
    شيخة : في واحد ملوع جبدي صارله ساعة وراي حتى ماعرفت اشتري شي منه .... الله يخليك بس شوي كلمه على ما اركب سيارتي واطلع من هني
    الشرطي : وينة ؟
    التفت شيخة يمين ويسار ادور على اللي لاحقها ما لقته ... حدها افتشلت : شكله شافني اكلمك خاف تسوي له شي
    ..... مشكور واسفة عالازعاج
    الشرطي : لا عادي .. حصل خير
    شيخة مشت شدعوة عليه من نفس جذي لا ويقولون الشرطة في خدمة الشعب ... رجعت شيخة الجمعية وراحت فوق شرت الاغراض اللي تبيهم ..... رجعت شيخة البيت والا تلقى امها واختها نورة بالصاله : السلام عليكم ... نوارة زايرتنا اليوم
    نورة : اي ولهت عليكم ... وفيصل رايح الديوانية قلت اييب اليهال وايي عندكم ... وين كنتي ؟
    شيخة : رحت الشامية اشتري مكياج
    نورة : شريتي lose boder وماسكرا ؟
    شيخة : اي ... ليش ... لايكون بتاخذينها
    نورة : واللي يعافيج ... اعطيج 20 وعطيني اياهم
    شيخة : لا ابيهم مالوتي مخلصين
    نوره : عفيا والله مالي خلق اروح .. النساة ذابحتني ولو ادري انج رايحه جان وصيتج
    شيخه : اممممم تعطيني 20 مو 30
    ام خالد ( امهم ): شيوخ ... ماتستحين تاخذين من اختج فلوس
    شيخة : ليش استحي حقي بعدين بدل بنزين وجهد.... بعدين انا مو موظفة وعندي معاش
    نورة : يما انا موافقة بس خل تعطيني اياهم
    شيخة : انا يوعانة ماكو عشا
    ام خالد : بلى فية قولي حق الخدم يزهبون العشا ... خل نتعشا كلنا مع بعض ... نورة دقي على اخوج صقر شوفية وينة خل ايي يتعشا معانا انا بصعد اشوف ابوكم

    دقت نورة على صقر : هلا صقر وينك ؟
    صقر : بداري
    نورة: شعندك مو طالع اليوم ؟
    صقر : والله ماعرفت لكم اطلع تقولون هيات ... اقعد تستغربون ... ماكو مسخن شوي قلت اريح
    نورة : انزين انزل بنتعشا كلنا مع ابوي



    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:38 pm

    ابو خالد (حمد) : ريال محترم حيل وطيب يحب عياله وايد وحنون عليهم ... مدير ادارة في شركه كبيرة ومهمة بالبلد
    ام خالد (نوال ): ماتشتغل طيبة وبسرعة ينكسر خاطرها ووايد تحاتي عيالها
    خالد : الولد البجر متزوج وعندة 3 اولاد ... شخصيته غريبه طيب ومحترم بس وايد عصبي ودقيق مو اي شي يعجبة عمرة 30
    شريفة : مرة خالد حبيبة حييييييييييييل وسنعة وشخصيتها قوية بس عمرها مااذت احد والكل يحبها ويحترمها عمرها 27 تشتغل بالتامينات
    نورة : اصغر من خالد: 26 متزوجة عندها بنت وولد وحامل
    فيصل : ريل نورة يحبها حييييييييل مهندس بالاسكان
    صقر : 24 يدرس بالهندسه ... مملوح... زقرتي... ونيس
    شيخة : الجعدة 22 متخرجة من علم اجتماع ناعمة حيل وستايلها ناعم
    العمام :
    العم العود عبدالرحمن وكيل وزارة وزوجتة ماتشتغل اثنينهم سنعيين وطيبين والكل يحترمهم
    عياله :
    جاسم : عمرة 26 يشتغل مهندس بوزارة النفط
    سارة : 21 بالجامعة تدرس ادارة وهي رفيجة شيخة حييل
    سالم : 18 سنة اول سنة طب الكل يحبة واحد سنع وعقلة اكبر من عمرة

    العم بو (طلال ) محمد: هو اصغر العمام مدير ادارة باحد الوزارات
    ام طلال ( خلود) : تشتغل بشركة بالقطاع الخاص وايد تحب المظاهر والتوجب وان يكون عندها معارف وايد هي طيبة بس عليها حركات
    طلال : عمرة 18 اول سنة بالحقوق .... طيب وزقرتي واييييييييد حبوب
    سليمان : 16 بالثانوية
    فرح : 14 سنة بالمتوسط

    --------------------------------------------------------------------------------------------------

    عقب العشا راح فواز دارة لانه تعبان والابو طلع ديوانية وتموا البنات مع امهم
    نورة : اي يما ترا نورية خالة فيصل تسلم عليج وايد
    ام خالد: الله يسلمها .. والله هالمرة تهبل . وين شفتيها؟ا
    نورة : اامس انا وفيصل طلعنا اليهال افنيوز عاد شفتها هناك ... شيوخ واللي يعافيج نزلي السرداب طلي عاليهال شوفيهم شسوون ... الخدامة اليديدة كلش مو بالعتها
    شيخة : خل ايبهم هني
    نورة لا يبون يلعبون
    شيخة : ايب لهم جم لعبة ويقعدون هني عندنا ... مالة داعي يقعدون تحت مع الخدم بروحهم
    اول ماطلعت شيخة من الصالة ... نورة : يما بقولج شي قبل لاترجع شيوخ
    ام خالد : خييييير ... شفيج؟
    نورة : يما انا عندي احساس ان نورية بتخطب شيوخ
    ام خالد: ليش هي قالت لج شي ؟
    نورة : لا يما بس امس وايد سالت عنها ؟
    ام خالد : اي عاد شقالت ؟
    نورة : امممممم ..شلونها ؟ ... اشتغلت او لا ؟ واقعدت تمدحها مادري حاشني احساس انها تبيها
    ام خالد : عاد والله شيوخ تهبل ... ونورية والنعم فيها الله يكتب اللي فية الخير ... بس زين منج ماقلتي شي جدام شيوخ لا تفززين قلبها
    نورة : شقالولج ياهل انا.... ما اعرف

    يت شيخة من تحت ومعاها جود( سنتين ) وفهد (3 سنين ) : عيالج دعل ... ساعة اقنع فيهم يصعدون ... زين مني ما كفختهم
    نورة : حرام عليج عيالي دعل ؟ والله يهبلون بس كان بخاطرهم يلعبون
    شيخة : يما هالاسبوع في زوارة والا مثل الاسبوع اللي طاف بيكنسلونها ؟
    ام خالد: لا انشالله في ... هذاك الاسبوع كان في امتحانات ... عشان جذي كنسلوا الزوارة
    شيخة : يما واللي يعافيج اذا مرة عمي محمد كنسلت عشان عيالها سويها ببيتنا ... الله يخليج يما
    ام خالد: ياحليلج شيوخ تحبين اليمعة ... لا انشالله ماهي مكنسلتها هي مكلمتني وقالت لي ان في يمعة هالاسبوع

    شيوخ حدها استانست لما امها اكدت لها ان في عزيمه هالاسبوع ... شيخة تحب ولد عمها جاسم من كانت صغيرة ماتشوف بالدنيا الا هو ... وتنطر الزوارة نطرة عشان تشوفه مع انها ماتقعد معاه الا شوي ... بس لان ماكو مجال تشوفة الا بالزوارات واليمعات او لما يروحون الشاليه .. بس اصلا اهل جاسم مو حريصين على روحة الشاليه واذا ياو الشالية جاسم ما يكون معاهم يحب يروح شالية ربعه ... شيخة عندها 3 عمام جاسم ولد عمها العود عبدالرحمن ... جاسم عمرة 26 كبر نورة اختها



    [/font][/color]
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:39 pm

    -------------------------------------------------------------------------------------------------------
    ام خالد قاعدة بالصاله تحت تنطر شيخة تزهب عشان يروحون الزوارة ... والا بنزلة صقر
    صقر : هلا يما ... شعندج لابسة وقاعدة بالصالة ؟
    ام خالد: انطر شيوخة عشان نروح الزواررة ... شنو ماانت رايح ؟
    صقر : بلى الحين بروح
    ام خالد: عيل اخذنا معاك بطريجك
    صقر: تامرين امر يالغالية ... بس عقب الزوارة انا بروح الديوانية منو يردكم ؟
    ام خالد: اقول حق خالد اخوك او ادق عالسايق .. ندبر نفسنا لا تحاتي
    صقر : عيل انا اسبقكم على مااشغل السيارة ... شيوخ مطولة ؟
    ام خالد : لا مااهقى ... من زمان وهي رايحة دارها ... الحين اقول حق الخدامة تناديها ... دقايق ونيي السيارة

    نزلت شيخة وهي حدها كاشخة ... كان شكلها حلو
    ام خالد: عيني عليج باردة ... اسم الله عليج كل زوارة يكون شكلج احلى من الزوارة اللي قبلها

    وصلوا الزوارة صقر نزل راح الديوانية عند عمامة وعيال عمة .... ام خالد وشيخة دشوا داخل حق صالة الحريم ... ام خالد : السلام عليكم ............ وسلمت على كل الحاضرين حريم العمام والعمه بدرية وبناتهم وجنتهم شريفة مرة خالد ... مشالله الزوارة كانت عامرة
    العمة بدرية : تعالي شيوخة ... شهالزين قمر اسم الله عليج طالعة على عمتج هههههههه
    شيخة : يابختي عمتي اذا صرت مثلج
    ام جاسم : والله شيوخة صايرة قمر ... روحي حبيبتي فسخي حجابج خو الرياييل ماراح يدشون الا وقت العشا
    ام طلال : اي اخذي راحتج شيوخة ... صعدي فوق دار فروحة فسخي حجابج ونزلي

    قعدوا الحريم سوالف وضحك وشيوخ بس تنطر وقت العشا عشان تشوف جاسم هم زوارتهم الحريم بروح والريال بروح بس وقت العشا يتعشون جميع تالي يقعدون يحلون ويشربون شاي مع بعض

    ام طلال : فروحة حبيبتي ... دقي على ابوج خل اييي هو وعمامج العشا جاهز ... ويلا بنات اللي بتغطا خل تلبس الحين ترا شوي والرياييل بييون
    صعدت شيخة فوق تلبس حجابها وتضبط مكياجها ... نزلت تحت سلمت على عمامها وعيال عمها وسولفة معاهم شوي بس ماشافت جاسم للحين ...
    العم محمد: شيوخ يبا روحي نجبي لي من هذاك الماعون اللي مادري شلون صاير شكلة حلو
    شيوخ : ايهو عمي ؟
    العم محمد: اللي يم ورق العنب .. شنو هذا ؟
    شيخة : اي هذا صينية دياي مع بطاط .... حدة لذيذ
    العم محمد: دامة لذيذ حطي لي
    شيخة : انشالله عمي
    جاسم : حتى انا شيوخ وهم ابي سلطة واللي يعافيج
    شيخة ( فز قلبها لما سمعت صوت جاسم ماكانت شايفته التفت عليه ) : شلونك جاسم ؟
    جاسم : بخير دامج بخير ... تصدقين على بالي مسلم عليج مشالله مع اللوية ما ثبت
    شيخة : حصل خير ...
    جاسم : شيوخ واللي يعافيج اي شي حلو بالبوفيه حطي لي منة ترا ميت يوع ماتغديت اليوم
    شيخة : انشاللة

    خلص الكل عشاة وراحوا الصالة يشربون شاي وقهوة ويحلووووون
    جاسم : شصار عليج شيوخ للحين ماتوظفتي
    شيخة : لا للحين مانزل شي من الديوان
    جاسم : وين حاطة ببالج
    شيخة : اممم واللة ماكو مكان معين ... اهم شي ان يكون مكان زيين
    جاسم : الله يوفقج انشالله ويوظفونج بمكان ترتاحين فية ومافية شغل وايد ... وجاسم يسولف مع شيخة رن تلفونه
    رد جاسم: الو ... دقيقة وادق ... باي
    وكمل كلامة مع شيوخ : ........ شيوخ ..... اخليج شوي بس مو تروحين برد اسولف معاج ماني مطول ... بس بتكلم بالتلفون شوي وارد
    شيخة: انا بروح اييب لي حلو على ماتيي ... اييييب لك معاي
    جاسم (وهومستعيل ) : اي اي

    طلع جاسم الحوش يتكلم بالتلفون :.. هلا حبيبتي ..............................
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:39 pm



    البارت الثاني :


    طلع جاسم الحوش يتكلم بالتلفون : هلا حبيبتي
    ريم : شفيك قبل شوي جذي سكرته ؟
    جاسم : ماكو انا بالزوارة ... وكنت اسولف مع بنت عمي لما دقيتي عاد الحين طلعت الحوش اكلمج
    ريم: بنت عمك ... وجم عمر بنت عمك هذة اللي انت طايح سوالف وياها ؟
    جاسم : ياحلاة اللي يغارون والله
    ريم: اغار شكو اغار ...
    جاسم( يبي يطفرها ) : عاد بنت عمي حلوة اصلا قمر
    ريم : جسوم تكلم عدل
    جاسم : اول قولي لي انج تغارين واتكلم عدل
    ريم : ماني قايله ... الله يهنيكم ببعض ... خلها تنفعك ...اكلمك بعدين
    جاسم : الللللللللللللللله كل هذة غيرة .... عاد والله شيوخة تهبل اذا عرفتيها بتحبينها
    ريم : مو الا احبها كافي انت
    جاسم : عاد انا صج احبها ........................ مثل اختي اصلا هي رابية ببيتنا ... انا اصلا مااحب بالدنيا الا انتي ... انتي ماخذة قلبي وعقلي
    ريم: عبالي بعد ؟
    جاسم : انتي وينج ... شهالازعاج اللي حولج ؟
    ريم : ماكو انا بماكدونالدز جنوب السرة ...
    جاسم ( يقطع كلامها ) : اكيد مودية عيال اختج ... والله ابتلشت فيهم انا
    ريم : وشكو انت تبتلش انا اللي مطلعتهم والا انت ؟
    جاسم : لا بس كان ودي اشوفج ... بس دامهم وياج ماينفع
    ريم : ليش ماينفع ... شوفني من بعيد
    جاسم : شنو مواعد قطاوة نتخازز من بعيد ... لا يبا ماني ياي ... خليني ادش داخل ولما اطلع من هني ادق لج
    ريم : اوكي

    داخل الصاله :
    اول ماطلع جاسم قامت شيخة حطت لها وله حلو وردت مكانها تنطره
    سارة : ابيييييييييييييييي ابيييييييييييييي
    شيوخ : شتبين ؟
    سارة : ابي حلو الاوريو ... خلص قبل لااذوقة ... عطيني الصحن اللي يمج
    شيخة: لا هذا حق جاسم هو موصيني اييب له حلو
    ساره: وينة جسوم ... موهني قولي له مالحقتي علية خلص
    شيخة : لا مابي خلييييه .. روحي اخذي حلو ثاني لازم هذا
    ساره : مشتهيته .... انزين عطيني مالج
    شيخة : لاماابي حتى انا مشتهيته
    سارة : صج نحيسه
    والا جاسم يوصل : سوير شفيج تحنين ؟
    سارة : كنت ابي حلو اوريو وماكو مخلص ؟
    جاسم : لااااااااااا عاد خاطري فية
    شيخة : يبت لك منه ... تفضل
    جاسم : صج يابختي فيج ... خوش بنت عم
    سارة : خوش بنت عم على ناس وناس ... اشوفها مايابت لي ... حتى مو راضية تعطيني من مالها ... جسوم عطني
    جاسم : انا اقول قلبي ويهج ... خليني ويا شيوخ بسولف معاها بسالفة انقلعي
    قامت سارة من عند جاسم وشيخة بسرعة ... سارة تدري ان شيخة تحب جاسم اخوها وكانت تتمنى ان ياخذها
    شيخة : خير ؟
    جاسم ... خير بويهج ... شيوخ عندج رفيجات للحين ماتخرجوا من الجامعة ؟
    شيخة : اي وايد .... ليش ؟
    جاسم : ماكو اخو واحد من ربعي يشتغل مع قائمة وملوع جبدي يبون اصوات حق الانتخابات عاد انا قلت له بشوف وقلت حق سوير وقلتلج يعني تكلمون ربعكم اخاف ما تفوز قائمته ينجلط
    شيخة ( بقلبها والله عبالي عندك سالفة لو ادري ان هذة سالفتك جان ماخشيت لك الحلو ... لو معطته سوير ابرك ) : انشالله


    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:40 pm


    وتم الكل سوالف وغشمرة لينا تاخر الوقت وكل واحد مشى على بيته ....
    ام خالد وشيخه دقوا عالسايق ياخذهم ... وهم بالسيارة
    ام خالد : مادري اخوج خالد ومرته ليش مايوا ... حتى نوره مايت الزوارة ؟ عسى المانع خير
    شيخة : يمااا نورة اكيد تعبانة من النساة ... وخالد يمكن مشغول ومرته نوعة ماتيي الا اذا هو ياة
    ام خالد: على قولتج ... صقور اخوج اللي حرني جنة مقروص ياة شوية وطلع مادري وين يهيت ... بس والله خوش بوفيه بس احلى شي كان الاكل اللي احنا يايبينه مشالله خلص
    شيخة : حتى اكل خالتي ام جاسم حلو .... وتموا امخالد وشيخة سوالف لينا اوصلوا البيت وكل وحدة راحت دارها

    المكان شقة تورة وفيصل
    فيصل : حبيبتي ويهج يخرع
    نورة : شنو ويهج يخرع شايفني يني ؟
    فيصل : لا مو قصدي ... انت كله ظالمنتي ... قصدي يخرع يبين انج تعبانه .. لايكون بتولدين؟
    نورة : تهقى اكو وحدة تولد بالثالث
    فيصل : الللللللللللللله توج بالثالث جنج من زمان قايلة لي انج حامل ... وانا اقول بطنج ليش مايبين ... اثاري توج
    نورة : فيصل واللي يعافيك ترا مالي خلقك ... اشرايك تطلع ... روح عند ربعك الديوانية
    فيصل : لا مايهون علي اطلع واخليج
    نورة : لا حبيبي ماكو الا العافية ... تكفى روح
    فيصل : لهدرجة ماتبيني اقعد عندج ؟
    نورة : لا والله مو قصدي ... بس انا تعبانة وشوي وبنام .. حرام تقعد جذي وباجر عطلة ماكو دوامات
    فيصل : اصلا قعدتي معاج تسوى الدنيا ... ماني رايح الديوانية بقعد عندج
    نورة (خانقتها العبرة ) : الله يخليك لي والله صج فشلتني جدام نفسي واحرجتني ... صج انا سخيفة الحين انت قاعد مجابلني ومخلي وناستك وانا اقولك مالي خلقك ... اسفه حبيبي
    فيصل : لاعادي انتي من اول ماخذيتج دعلة
    نورة : مقبولة منك ... اي شي منك حلو

    وقعد فيصل يشوف التلفزيون و نورة متضايقة من نفسها وقاعدة تتامل شكل فيصل وتحمد الله عليه والا يرن تلفون فيصل :
    هلااااااااااااااااااااا ... صج يالله حمد الله عالسلامه ... اي انا مريت الديوانية قبل شوي وتاكدت انها مقفوله ... لا انشالله السفرة اليايه انا معاكم بدال قعدتي هني حده زهقة
    اول ما سكر فيصل التلفون
    نوره : من هذول اللي السفره اليايه انت معاهم ؟
    فيصل : ربع الديوانية كلهم رايحين البحرين عاد اقولهم السفرة اليايه انا معاهم
    نورة : فصييييييييييل يعني كل كلامك اللي قبل شوي عالطل ... وانا الخبله مصدقه وقاعده اتحمد ربي عليك وحاسه بالذنب
    فيصل : بس بالذمة مو سويت لج جو رومانسي ... يعني تهقين لو الديوانية مبطله جان جابلتج وانتي ماغير تونونين

    نوره : انا بروح داري انام ابرك
    فيصل : قصدج داري ودارج
    نوره : لا اليوم بتصير داري بروحي ....... نام عند عيالك او بالصاله
    فيصل : خلاص عيل ماني قايلج الخبر المهم اللي عندي
    نورة(اشتقلت فيها اللقافة ) : اي خبر ؟
    فيصل : خبر مهم جدا جدا جدا
    نوره: جذاب ماعندك شي
    فيصل : والله عندي ويخص اختج شيوخ
    نوره : فصييييييييل تكلم والا والله اخليك تنام بالصاله لينا اولد
    فيصل : تسوينها مو بعيده ... فواز ولد خالتي نورية كلمني عن اختج شيوخ
    نورة : شنو ؟ شقالك ؟
    فيصل : ماكو سالني ... شلونها ؟ جم عمرها ؟ يعني اسئلة عادية
    نورة : وليش كلمك انت ماكلم اهلي ؟
    فيصل : شكلم اهلج ؟ الولد عمرة بحياته ماشافها .. ام قالت له عنها عاد يالي يسال عنها للحين ما قرر يتزوج قاعد يفكر
    نوره : وانت شقلت له ؟
    فيصل : ماكو قلت له البنت خوش بنت وسنعه بس
    نوره : بس ؟
    فيصل : اي بس شقوله بعد .... نوير لا يكون تقولين حق احد حتى امج الولد موبباله شي وقاعد يسال بس جذي ... يعني كلش السالفة مو اكيدة
    نوره : لا اكيد ماني قايله ... متى ماصار الوضع جد ورسمي تكلمت ... اصلا حتى لو بقول الحين شقول الولد يسال عن شيوخ وقاعد يفكر حدها مو سنعة الكلمه ... الله يكتب اللي فية الخير

    اول مادشت نورة الدار دقت على امها :
    ام خالد : نورة يماااا شفيج داقة هالحزة ؟ فيج شي؟
    نورة ( بصوت واطي ) : لا يما مافيني الا العافية ... بس داقة بقولج شي بس يما تكفين لا تقولين حق احد اني قلت لج الله يخليج
    ام خالد : نورة يما تحجي شفيج؟
    نورة : تذكرين لما قلت لج اني حاسة ان نورية خالة فيصل بتخطب شيوخ طلع كلامي صح ... فيصل قالي ان فواز سالة عن شيوخ ...
    ام خالد: الله يكتب اللي في الخير عادوالله نورية وعيالها ماينعافون
    نورة : يما انا باجر بزوركم ونسولف يلا اخاف فصول ايي الدار هو موصيني ما اتكلم
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:40 pm

    تكملة البارت الثاني :


    شيوخ قاعدة بالصالة تحت تشوف تلفزيون والا يرن موبايلها
    شيخة : هلا سوييييييير
    سارة : دام فيها سويييييير ... اكيد ان جسوم مسود ويهنا والا لو مستانسة جان ماقلتي سوير جان قعدتي تتغزلين فيني ........ قولي علميني شقالج روميو لما قلعني ؟

    شيخة : اي روميو اي بطيخ .. قالي اكلم رفيجاتي اللي بالجامعة حق اخو رفيجة ... حدي بغيت اهفة ...
    سارة : مالت علية هذي سالفة تنقال ... عاد هو قالي عن الانتخابات وانا قلت لة اني بقولج .. بس تحسين ماكو ثقة لازم يقول هو
    شيخة : بعد شعندج داقه ؟
    سارة : افا ماكو بس جذي داقة اسولف معاج ما فيني نوم
    شيخة : يلا عيل سولفي
    سارة : امممممممممممممم شرايج نطلع باجر ؟
    شيخة : وين ؟
    سارة : افنيوز ... بس خل نروح مبجر ابي اتسوق
    شيخة : خلاص .. العصر نطلع نتسوق تالي نقعد بكافيييييية
    سارة : خوش
    شيخة : عيل يلا باي
    سارة : الووووووووووووووووووووووووووووووووووووووووو
    شيخة: ها شفيج ؟
    سارة : اقولج مافيني النوم تقولين باي
    شيخة : مو ماكو سوالف اليوم بالزوارة خلصنا كل السوالف ... يعني نتكلم شنقول
    سارة : اي شي بس مابي اسكرة ............................. عندي خوش سالفة لو نسولف عنها اكيييد ماراح تسكرينة للفجر
    شيخة : شنو ؟
    سارة : جاسم ....... خل نسولف عن جاسم
    شيخة : صج ...... والله خوش سالفه
    ساره : شيوخ ليش تحبين جسوم ؟
    شيخة: مادري هو ينحب ... كل شي فيه ينحب
    سارة : اي والله كافي انه اخوي
    شيخه : سارووووووه تهقين هو يدري اني احبه ؟
    سارة : والله اذا كل هذا وما حس يطلع غبي ... عاد شيوخ حده وناسه لو تصيرين مرة اخوي كل يوم نهيت
    وطول الوقت نتجابل
    شيخة: شبي فيج اخلي ريلي واجابلج
    سارة : اهم شي ( تقلد كلام شيوخ ) اخلي ريلي واجابلج ....... والله شيوخ الهدف الرئيسي من زواجكم بكون انج تجابليني ولا ترا ما اوافق واخطب له وحدة من رفيجاتي
    شيخة : اذبحج........ خلاص اجابلكم انتو الاثنين ... ساروه وين جسوم الحين ؟
    ساره : بداره اكييييييد نايم
    شيوخ (بدلع) : نوم العافيه والله
    سارة : وع ترا لوعتي جبدي تكفين لا تتدلعين ترا ارجع

    -------------------------------------------------------------------------------------------------------

    جاسم كان بداره منسدح على فراشه يكلم ريم
    جاسم : صج امي داعية لي اليوم .... من متى مو سهران وياج؟
    ريم : حبيبي شسوي نوعي انام مبجر والله مااعبر عالسهر
    جاسم: شدعوة عاد انا قايلج سهري للفجر ... انتي قبل ال 11 تسكرينة حشى دياية
    ريم : بعد شسوي نوعي جذي ... بعدين انت للحين ماتعودت صارلنا سنتين وانت للحين على نفس الموضوع
    جاسم : من حر مافيني ... مرات اكسر خاطر نفسي قاعد بالليل لا شغلة ولا مشغلة وحضرتج نايمة
    ريم : بعد انت تعود تنام مبجر
    جاسم : مااعرف انا راعي سهر احب السهر ........ خلينة عن هالسوالف اللي لا تودي ولا تييب ... اشوفج باجر ؟
    ريم : لا مااقدر ........ خلها عقب باجر
    جاسم : ليش مو باجر وعقب باجر ؟
    ريم : صج طماع ... والله باجر مااقدر ...
    جاسم: اووووف انزين ... تبين نتغدا مع بعض والا عشا ؟
    ريم : خلها غدا احسن
    جاسم : خلاص عيل انا اطلع من الدوام اروح المطعم على طول مو تتاخرين علي تزرعيني مثل هذيك المرة
    ريم : وااااااااااي عليك انت ماتنسى ... طوف اقصاها مرة وحدة اللي تاخرت فيها عليك
    جاسم :تدرين ريوم حدي ولهاااااااااااان عليج
    ريم: شكثر؟
    جاسم : كثر الدنيا ومافيها يالخايسه صايرلي قريب الاسبوع موشايفج
    ريم: حتى انا ولهانة عليك وايد
    جاسم : بس وايد
    ريم : لا وايد وايد وايد
    جاسم : متى نتزوج ونفتك من سالفة المواعد الخايسه هذي ؟
    ريم : ماقلت لي بتروح مكان باجر
    جاسم: انا وين وانتي وين ؟
    ريم : جسوم جم مرة قلت لك مااحب اتكلم بهالسالفة
    جاسم : ليش عاد؟ والله انتي عكس البنات ... بالعادة البنات هم اللي يحنون متى نتزوج متى نتزوج ؟ وانتي اذا يبت لج الطاري غيرتي السالفة ... لايكون قاعدة تستغليني وتلعبين علي ؟
    ريم : اي شي صح
    جاسم : لا مو اي شي ... عاد انا حلو واخاف على نفسي .. اخاف انج تقصين علي وبس قاعد تضيعين وقت فراغج
    ريم : لا يما لاتحاتي مو قاعدة استغلك
    جاسم : اي عاد انا جمالي فتان
    ريم: ويعني انا اللي جيكرة ... حتى انا حلوة
    جاسم : انتي ااااااااااااااخ ياقلبي ... انتي الحلا كلة والله ريوم عليج جمال قوووووووووووووي انا اشك ان مافيج عرج
    ريم: لا مافيني بعدين الكويتيات شناقصهم كل وحدة احلى من الثانية بس الحمدالله والشكر انتوا اللي مادري شفيكم
    جاسم : فديت الكويتيات والله ... ريوم خل اشوفج باجر
    ريم: احنا مو اتفقنا عقب باجر
    جاسم : ادري بس الحين تذكرت شكلج حسيت اني ولهان عليج

    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:41 pm

    البارت الثالث :

    اليوم الثاني راحت نوره حق فيصل :
    فيصل ماعليك امر تقدر توديني بيت اهلي اليوم ؟
    فيصل : موجنج قبل امس رايحة لهم ؟
    نوره : اي ... انت بتطلع ومابي اقعد مع اليهال بروحنا هني ومتى ماخلصت شغلغ ردنا معاك
    فيصل : نوير لا يكون قلتي حق شيوخ او امج عن فواز ترا والله اكسر لج راسج
    نوره : لا تكسر راسي ولاشي ماقلت حق احد ... ها توديني ؟
    فيصل : بسرعة زهبي .. مالي خلق انطر وايد

    وده فيصل نورة بيت اهلها عند الباب فيصل : سوي لي درب ترا بنزل اسلم على عمتي
    نورة : الحين ... ؟
    فيصل : اي ليش ؟ مايصير ؟
    نورة : اكييد يصير بس انا اقول روح خلص شغلك وانت راد انزل ... موحلوة ادش تسلم بسرعة ... امي من زمان مو شايفتك ... وانت راد انزل اشرب لك شاي واقعد شوي حتى ابوي اكيد بكون موجود
    فيصل : خلاص عيل ... وبييب معاي كنافة من الصبح مشتهيها تقولين انا اللي اتنسى مو انتي

    نزلت نورة وعيالها بيت اهلها واول مادخلت صعدت دار امها
    نورة : هلا يما شلونج؟
    ام خالد: هلا فيج .. شلونج ويالنساة شكلها حدها متعبتج ... ويهج ذبلان
    نورة : اي والله يما ... كله مالي خلق وفيني النوم ... يما وين شيوخ
    ام خالد : طالعة مع سارة بنت عمج
    نورة : زييين عشان نتكلم على راحتنا
    ام خالد : بشنو نتكلم ... للحين ماصار شي .
    نورة : انشالله بصير ... عاد يماا اذا الله كتب وفواز خطب شيوخ واللي يعافيج كلميها خل توافق مو مثل كل مرة نرد الاوادم ... اول كانت تتعذر بدراستها الحين تخرجت مالها عذر يعني
    ام خالد: لا انشالله ماحنا رادينهم ... فواز خوش ولد ان اسمع صقور جم مرة يسولف عنة وفوق هذا دكتور مشالله علية والا هم من هذا كله ان امه نورية ... والله يابخت شيوخ اذا صارت نورية خالتها
    نورة : اي خلف الله علي ... مو خالتي الغثيثة
    ام خالد: صج انج ماتستحين ... خالتج ام فيصل غثيثة صج ماتخافين ربج
    نوره : حراااااام عليج يما ... مطلعة روحي .. كل ماسويت شي لازم تعلق مايصير تسكت
    ام خالد: لانها تبيلج الخير وتبيج تطلعين بالزين... والله لو تلفين الدنيا ما تلقين مثل خالتج وريلج حمدي ربج ترا النعمة زواله .
    نوره : يما والله مرات اشك اني بنتج ... دايما ادافعين عن فيصل وامة... خلينا منهم الحين ... يما بقى شي من الغدا ماتغديت اليوم ؟
    ام خالد : اي الحين اقول حق الخدامة تنجب لج ... عيل عيالج وين ؟
    نورة : تحت يلعبون
    ام خالد : خل ننزلهم ولهانة على جودي وسوالفها



    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:42 pm

    نتابع القصه تكمله البارت الثالث وبعدها نكمل باجي الاجزاء
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:43 pm


    نورة كانت منسدحة بصالة بيتهم والا ادش عليها شريفة مرة خالد اخوها :
    السلام عليكم ... شلونج نورة ؟
    نورة : هلا شريفه ... خرعتيني ؟
    شريفة : اسفه حبيبتي ... ماكنت اقصد .. وين خالتي ؟
    نورة : عسى ماشر شريفة شفيج ؟
    شريفة : مافيني بس ابي خالتي .... هي وين ؟
    نورة : فوق الحين اناديها حياج
    نورة حييل استغربت مو عوايد شريفه تيي لهم من غير ماتتصل وطريقة كلامها تبين ان فيها شي كلش ماهي طبيعيه : يمااا ... شريفة مرة خالد تحت تبيج ؟
    ام خالد: الحين انزلهم ...
    نورة : لا يما هي ياية بروحها
    ام خالد: مو عوايدها ... هي يا تيي مع عيالها او ريلها
    نورة : يما انا حاسة ان في شي ... شكلها مو طبيعي ولا صوتها
    ام خالد: الله يستر خل انزل اشوف شفيها

    بسرعة بدلت ام خالد هدومها ونزلت تحت : هلا شريفه هلا بالغاليه
    شريفة اول ما شافت خالتها بجت
    ام خالد: شريفة شفيج ... خالد او اليهال صار فيهم شي
    شريفه : لا خالتي كلهم بخير
    ام خالد : عيل شفيج تبجين ؟
    شريفة : خالتي خالد يبي يتزوج علي
    ام خالد : ومنو اللي قالج ؟
    شريفة : هو اللي قالي
    ام خالد : يقص عليج .. مو من صجه اكيد ان يبي يحرج
    شريفة : لا خالتي كان يتكلم من صجه
    ام خالد: وهو وينة الحين ؟
    شريفة : مطلع اليهال يمشيهم
    ام خالد: انتي هدي بالج وانا اكلمه ... بس صدقيني ان مو من صجة تهقين انه بيتزوج من غير مايشاورنا انا واوبوه
    شريفة : خالتي عفيا كلميه ترا اذا تزوج بصير فيني شي
    ام خالد: اسم الله عليج ... مو صاير الا كل خير
    شريفه : خالتي صج بتكلمينه
    ام خالد : شريفه شفيج ؟ قلت لج بكلمه ... بعدين مو بكيفه يروح يتزوج .. ماكو شغل وين يلقى مثلج
    شريفه : تسلمين خالتي ... الله يخليج لي ... خلاص انا بمشي الحين
    ام خالد : وين رايحة قعدي شوي شربي شاي عالاقل
    شريفة : تسلمين خالتي ... خيرج واصل ... بس والله امي ناطرتني هي وخواتي اليوم زوارتنا وانا حدي متاخرة عليهم
    ام خالد : سلمي عالوالدة وخواتج .. ولا تضيقين خلقج ترا خالود يطفرج


    مشت شريفه من عند خالتها عقب ماريحها كلام خالتها شوي ... ام خالد : يمااا نورة ... قومي صبي لي شاي
    نورة : انشالله ... عسى ماشر شفيها شروف جنها باجية
    ام خالد : شروف خبله ... اخوج قايلها بتزوج عليج يبي يحرها وهي مصدقة
    نورة : شنو ... لا يما مايبي يطفرها ..انا هقيت انه يتغشمر ... بس طلع من صجه
    ام خالد (طلعت عينها ) : شنو هو قايل لج شي ؟
    نورة : الاسبوع الفات بالزوارة قالي ان خاطرة يتزوج ... بس انا هقيت انه يتغشمر ... لاني لما قلت له ماراح تحصل مثل شروف قال ادري اصلا شروف ذهبه ... فمااهتميت يقول عنها ذهبة ويتزوج عليها.. ما تركب
    ام خالد : وليش ماقلتي لي ؟
    نورة : اقولج يما عبالي يتغشمر ماهقيت انه من صجه ... بس دام قال حق زوجته ... وزوجته يت تبجي اكيد السالفه جد
    ام خالد على طول قامت دقت على ولدها : هلا خالد .. شلونك ؟
    خالد : هلا يما .. بخير دامج بخير
    ام خالد: وينك في ؟
    خالد : مطلع اليهال الشعب .... امريني ؟
    ام خالد : مايامر عليك ظالم .... لما تخلص مرني البيت ابيك
    خالد: خير يما .. صاير شي ؟
    ام خالد : لا حبيبي ... بس ولهانه عاليهال

    ---------------------------------------------------------------------------------------------


    صقر وهو قاعد مع ربعة بلورنزو شاف سارة وشيوخ قايمين من ستار بكس راح لهم :
    قوة
    شيخة وسارة : هلا
    صقر: شلونج سارونه ؟
    ساره : بخير دامك بخير
    شيخة : وانا ماكو شلونج شيوخة
    صقر : انتي شايفج بالبيت .. شكو اسال شلونج ... شنو من زمان هني ؟
    شيخة : من العصر ... نتسوق
    صقر : شكلكم ماخليتوا شي بالسوق ... يبيلكم حمالي يساعدكم
    شيخة : اي والله ايدي طاحت
    صقر : عطيني اشيل عنج .... بس لا يكون صافطين بعيد ... اذا بعيد ماني شايل
    شيخة : لا قريب عند ايكيا
    صقر : سارونه ... عطيني جياسج
    سارة : لا ماله داعي انا اشيلهم
    صقر : يعني مستحية حلايا هالشكل ... يبيهم واللي يعافيج
    عطت سارة صقر جياسها
    صقر : اااااااااااااااي ايدي ... انتي شنو شاريه اثقال ... ليش جياسج جذي ثقيله ؟
    ساره : قلت لك ماله داعي انت اللي مارضيت
    صقر : تكفين قولي شنو شاريه مو معقوله هدوم جذي ثقيله
    ساره : لا مو هدوم شاريه صناديق حديد حق اكسسواراتي ... ييب اشيل عنك
    صقر: حشى اللي يسمعج يقول اطقم الماس عندج .......لا خلاص انا اشيلهم بس يالله بسرعه امشوا مو تتمخطرون ... خل اشوف ريلكم اشوا لابسين فلاتات لو لابسين كعوبه جان لباجر نمشي
    ---------------------------------------------------------------------------------------------

    ام خالد قاعدة مع نورة بالصاله يتكلمون عن خالد وسالفته والا يرن التلفون
    نورة : ماما فهودي شيل التلفون شوف منو ؟
    فهد : هذي مرا تبي ماما نوال (ام خالد )
    نورة : قولها منو انتي ؟
    فهد : اسمهااااا خالتي نورية
    ام خالد: ياهلا ومرحبا ..
    نورية : هلا فيج ... شلونج وشلون العيال ؟
    ام خالد : بخير عساج بخير ... شدعوة ياحافظ من متى ماشفناج اخر مره شفتج يوم عزيمة ام فيصل قبل جم شهر
    نورية : اي والله الدنيا تلاهي ... بس الله يعلم انج بالبال ياام خالد
    ام خالد : تسلمين
    نورية : والله ياام خالد في شغله بخاطري بس مستحية منج والله اني حدي مفتشله
    ام خالد: لا تفتشلين ولا شي انتي حسبت اخت .. امري
    نوريه : والله يا ام خالد .. مادري شقولج صراحه انا خاطري بشيخة بنتج حق فواز ولدي والله ان قلبي طاير عليها وادري ان السنع والاصول تقول اني ايي لعندج اخطبها ... بس والله فواز مفشلني يقول مايبي يخطب الا لما يشوفها بالاول وانت تدرين بنتج لاتدرس ولاتشتغل توهقت وين يشوفها ... وصراحة مابي يشوفها بصورة لان الصور دايم تظلم ... عاد انا قلت اكلمج واشاورج لاني صج احترت وحدي فشلانة منج .... وترا لما انا اقولج ان يبي يشوفها مو تقليل ببنتج او شكلها.. اصلا شيوخ قمر وانا ادري انها بتعجبة بس هو يبي يعرف كلامها طريقتها لو هو بس شكل بشوفة جان خليته يوقف عند بيتكم لينا يشوفها ... عاد انتي يا ام خالد سامحيني والله يعلم اني اقول هالكلام وانا حدي مفتشله ..
    ام خالد: والله مادري شقولج يانوريه حتى انا احترت ولو انا مااعرفج عدل جان فهمتج غلط بس والله مادري شقولج ... انتوا حياكم الله زورونا وخل يقعد معاها شوي بحضور واحد من اخوانها او ابوها
    نورية : شورتج وهداية الله ... عيل خلاص شاوري ابوكم وحددي معاه موعد نيي فيه ... والله يكتب اللي فيه الخير
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:44 pm

    البارت الرابع :
    اول ماخل ام خالد المكالمة نطت عندها نورة
    نوره : خطبت شيوخ ؟
    ام خالد : والله مادري تقول الولد يبي يقعد مع اختج اول
    نورة : شكله حدة مليييييييق شدعوه عليه ... لاحق عالقعدة معاها بمل من مجابلها
    ام خالد: والله مادري هالشي زين ومو زين ... زين ان يعرفون بعض قبل لا يصير اي شي ومو زين لان ماردي شلون يعني شقول حق ابوج ياي اكو واحد ياي يسولف مع بنتك واذا عجبته بيخطبها
    نورة : ويييييييييييييييه ... عيل شبتسوين ؟
    ام خالد : مادري .. بس اللي انا متاكدة منه لو اني بقول حق ابوج كلام نوريه يمكن يهبدني
    خالد : السلام عليكم
    ام خالد : وعليكم السلام ياحيا الله من زارنا ... نور البيت يالغالي
    نورة : شدعوه يما ترا الي ياي خالد ولدج مو شيخ
    ام خالد: والله انه شيخ ولد شيخ ... هذا الغالي ... حبيب قلبي
    خالد : تسلمين يماااااااا ... اي يما كملي خل بعض الناس يحترون
    نوره : ماعوزك احتر ... ماكو شغل احتر منك
    خالد: امراي يماااا بغيتيني ؟
    ام خالد: اي والله بس ......وين عيالك ؟
    خالد: برا عند ابوي بالديوانية الحين يدشون انشالله
    ام خالد: نورة روحي شوفي عيالج وينهم
    نوره : يما قولي خلينا شوي ماله داعي توزعيني جذي
    خالد: مسكينة طردوها
    نورة : محد طردني اصلا ........
    ام خالد: انتوا يهال استحوا على ويهكم ... خالد بسك لا تحارش اختك وانتي طلعي بسرعة
    ........................... خالد شهالكلام اللي سمعته ؟
    خالد: خيييييير انشالله .... اي كلام ؟
    ام خالد: بتتزوج على شروف ؟
    خالد: اكيد نوير الملقوفه قالت لج ؟
    ام خالد : لا مو نوير ... مرتك وعلية عليها يتني ميتة من البجي خايفة تتزوج عليها
    خالد: مسرع مايت لج ... انا اليوم قايل لها راحت على طول قالت لج
    ام خالد: خل عنك هالكلام .... انت من صجك تبي تتزوج؟
    خالد: اي
    ام خالد: ليش يماااا ؟ مرتك مقصرة معاك بشي ؟ متعبتك ؟
    خالد: لا بالعكس مخليتني يادهينه لا تنكتين
    ام خالد (مستغربة ) : عيل شفيك ؟ ليش تبي تتزوج عليها ؟
    خالد: يعني مايصير اتزوج عليها الا اذا هي متعبتني او مقصرة معاي ... دام اني قادر افتح بيتين ليش لا؟
    بعدين يما انا من حقي اتزوج 4 اهم شي اني مااقصر عنهم
    ام خالد: انت من صجك خويلد .... بس طق براسك تتزوج قلت بتزوج ... يايما شلك بعوار الراس والمشاكل
    خالد: الحين اذا تزوجت عوار راس ومشاكل
    ام خالد : انت عبالك اذا تزوجت شروف بتسكت ... اذا هي مو مقصرة عنك وشايلتك بعيونها ورحت انت وتزوجت عليها والله ماتسكت لك لو انا مكانها اذبحك واذبح زوجتك ... والا عبالك اهلها بيسكتون عنك
    خالد: يما انا شبسوي ... ماني مسوي شي حرام
    ام خالد: محد قال حرام ... بس البنت ماتستاهل انك تحرها وتييب لها ضرة ... لاتشوفها حبيبه وطيبه معاك الحين تحسب انها بتسكت عنك ... اقل شي تسويه تشيل اغراضها وتروح بيت اهلها هي وعيالها ... هذا غير زعل ابوها واخوانها لاويمكن اهلها كلهم ... والحق ينقال ترا اهلهم اذا زعلوا خسارتهم جايدة عازينك رازينك وعمرهم مااذوك لو بكلمه والبنت من خذيتها متحملتك ....
    خالد: شدعوة يما ؟ شمسوي فيها انا ؟
    ام خالد : ياحبيبي انت ولدي ولاتزعل من كلامي ترا انت حدك عسر وعصبي صج انك طيب واللي عندك مو لك بس وايد عصبي ماتحمل كلمة ولما تعصب ماتثمن كلامك والبنت من خذيتها صارلكم جم سنة عمرها مانامت ببيت اهلها زعلانه وانا مااصدق انك ماسمعتها كلام يغث او قطيت عليها كلمه.... واحنا اللي احنا اهلك عمرها ماشكت لنا منك هذا يدل انها بنت سنعه وحافظة اسرار بيتها ... حتى يوم ماقلت لها انك بتتزوج عليها ماقالت حق اهلها يت لي انا امك وقالت لي ... اذا انت بببالك زواج محد يقدر يمنعك بس قبل لا تقرر فكر عدل عشان عقب ماتحسف ... ترا اذا فات الفوت ماينفع الصوت ... خالد قولي الصج انت اكو وحدة بخاطرك
    خالد ( سكت شوي ) : هااا لا ماكو



    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:46 pm

    انشالله تعجبكم القصه لانها ايد طويله وانا بعرضها كلها عشان لا تنطرون التكمله




    جاسم يكلم ريم
    ريم : جسوم لا تصير بايخ قلت لك اسفة
    جاسم : شسوي بكلمة اسفة وين اصرفها
    ريم : خلاص السالفة طاف عليها يومين وانت للحين زعلان والله ماقدرت ايي جم مرة اقولك
    جاسم : انني لو مكنسلة من قبل جان اوكي ... تكنسلين وانا بالمطعم انطرج وياريت داقة داز مسج
    ريم : قلت لك اسفه والله ماقدرت اطلع من البيت امي مل رضت انا شسوي ؟
    جاسم : .................................
    ريم : حبيبي رد علي لا تصير جذي صارلي يوم كامل اراضي فيك
    جاسم : لا يكون ماكنتي ناوية تراضيني بعد ؟
    ريم : مو قصدي ... يالله عاد ... جسومي ... حبيبي عمري انت خلاص .... اممممممممممم انا ادري شلون بترضا ؟
    جاسم : شلون ؟
    ريم : شرايك اشوفك ؟
    جاسم : متى الاسبوع الياي والا عقبة ؟
    ريم : لا الحين
    جاسم : من صجج ؟
    ريم : اي ... عطني ساعة على ماالبس وازهب
    جاسم : ساعة وايد
    ريم : ماتبيني اكشخ لك
    جاسم :والله انتي معورة قلبي لو ماتكشخين
    ريم : بس انا ابي اعور قلبك زوود
    جاسم : وين نروح؟
    ريم: كيفك المكان اللي تبيه
    جاسم : دام هذي رضاوتي كل يوم بزعل
    قام جاسم سبح ولبس وطلع من بيتهم رايح حق ريم : هاحبيبتي وينج مااشوف سيارتج؟
    ريم : كا 5 دقايق واوصلك
    جاسم : انا بصفط ... انتي نزلي وركبي معاي
    صفطت ريم سيارتها ونزلت طار عقل جاسم لما شافها ريم بنت وايد حلوة وجسمها حييل حلو وتعرف حق عمرها انوثتها كانت طاغية ... هي مو متحجبة شعرها لنص ظهرها بني فاتح وتحط مكياج ناعم يزيد من جمالها ويبرزة ... كانت لابسه نفنوف بنفسجي نص جم للركب ... ركبت ريم يم جاسم : هااااااااي
    جاسم : اوووووووووف شهالحلاة .... قمر مو بشر انتي
    ريم: قول مشالله لايصير فيني شي
    جاسم : انشالله فيني ولا فيج ..... حدج محلوة ... كل مرة اشوفج تكونين احلى من المرة اللي قبلها
    ريم: عيونك الحلوة............. وين بتوديني ؟
    جاسم : لو علي انا اوديج غرفتي ... بس على قولة المثل العين بصيرة واليد قصيرة
    ريم : ياحليلك صاير تقول امثال
    جاسم : افا عليج حتى اشعار اقول ... انتي حقج اقول كل شي
    وتم جاسم بالسيارة ويا ريم .... شوي والا يمسك ايدها
    ريم : شتبي؟
    جاسم : شنو شتبي ؟ ماسك ايدج تقولين شتبي .. بدال لاتقولين حبيبي حياتي
    ريم : مو انا اعرفك ...لو هي بس على مسكت ايد جان هانت ... هي دايم تبلش بمسكت ايد
    جاسم : اللي يسمعج يقول كل يوم بشقة انا وياج ... موبس بوسة قاصة فيها علي
    ريم : جسوم اخر مرة يالله فلت منك ... زين ماكليتني
    جاسم : ياريت اكلج عاد صج انتي مالت اكل... عنى الملاقة عاد انتي من غير شي مليقة
    ريم ( بدلع ) : لا والله انا مليقه ... وخر عني
    جاسم : زعلتي ... تعالي عيل
    ريم : شنو
    جاسم : ببوسج عشان اراضيج



    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:46 pm

    المكان بيت بو خالد
    ام خالد : شيوخة روحي جيكي عالخدم ركبوا كل الاغراض السيارة ؟
    شيخة : اي يما جيكت كل شي ركبوه
    ام خالد : زين عيل شوفي وين صقر نبي نمشي مبجر ؟ ودقي على نورة قولي لها ان السايق الحين ياي لها عشان ياخذها هي واليهال ؟ وخلي الخدم يروحون مع السايق ماحبهم يركبون معاي .... على ماادق على خالد اشوفه حرك والا بعد
    شيخة : انزين ... يما ترا سارة بتروح معانا انا قلت لها ان بنمرها
    ام خالد: حياها الله ... عيل يلا استعيلي صقر

    نزل صقر وركبوا الكل السيارة شيخة : صقر مر بيت عمي عبدالرحمن بناخذ سارة؟
    صقر : وليش محد قالي يمكن انا مابي امر ... مالي خلقها
    ام خالد: صقور احترم نفسك وودنا بيت عمك
    صقر : شدعوة مانتغشمر يعني
    وصل صقر بيت عمة والا جاسم توه كان راد من الدوام وقاعد يصفط ... شيخة لما شافتة طلع قلبها من مكانة ورد ... جاسم لما شافهم يالهم يسلم : السلام عليكم ... شلونج خالتي ؟
    ام خالد: هلا جاسم ... شلونك يما ؟
    جاسم : بخير ... شلونج شيوخة ؟
    شيخة : الحمدلله بخير
    صقر : وانا لايكون اسمي كومار وانا مادري
    جاسم : انت عاد لك سلام خاص ... انت حبيبي ... اصلا انا مو بس اقولك شلونك الا ابوسك بعد كلش ولا صقور
    صقر : احرجتني ... عاد انت خش حبي شوي اخاف يحسدونه
    جاسم : شفيكم واقفين برة ؟
    صقر : ننطر العمة سارة تطلع ... بتروح معانا الشاليه
    جاسم : صج والله ... وليش متعنين جان قالت لي ايبها لكم ولا هالعنوة
    ام خالد : مامن عنوة تستاهل سارة ... غلاتها من غلاة شيخة بنتي
    جاسم : وانا خالتي مااستاهل ؟
    صقر : انت شكو داش عرض
    جاسم : كيفي ... انا انسان احب احس ان الناس تحبني ... بعدين انا وخالتي ننياز انت شكو ؟ صح خالتي ؟
    ام خالد: عاد الله يشهد يا جاسم انك غالي اصلا انت غلاك شي ثاني
    جاسم : والله حتى انا احبج وبيني وبينج انتي اكثر مرة عم احبها

    شيخة كانت تسمع كلام جاسم حق صقر وامها وتتمنى لو ان الكلام لها... والا تيي سارة مستعيله :
    سارة : واللللللللللللله اسفة اني تاخرت بس ترا شيوخ ماقالت لي انكم بتييون الحين ... خالتي سامحيني حدي مفتشلة منج
    ام خالد: عادي ماطولتي وايد ... بعدين احنا ماحسينا كنا نسولف مع جاسم
    جاسم : سوير ... ليش ماقلتي لي انا اوديج ... معنية خالتي بهالحر
    سارة : هم قالوا
    ام خالد: عادي اصلا بيتكم على دربنا .... يلا يما جاسم احنا بنمشي عاد مو تخلي تعال الزوارة
    جاسم : وانا اقدر اصلا انا انطر الزوارة نطرة
    سارة انقزت شيخة ... سارة وشيخة كانوا يحسبون ان جاسم يقصد شيخة بكلامه
    سارة دزت مسج حق شيخة ... من قدج جسوم قام يقط نقزات ...
    شيخة : تهقين... والله تطور
    صقر : يمااااااا ابي ماي باااااااااارد حاشتني ضربة شمس ساعة بالسيارة ننطر ( وهويطالع سارة يبي يطفرها ) تقولون ننطر السفيرة عزيزة
    سارة : قلت اسفة
    صقر : مااسمع اكو احد تكلم
    ام خالد : اي انا تكلمت قلت سوق عدل لا اهفك

    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:46 pm

    البارت الخامس :
    يوم الزوارة بالشاليه ام خالد من الساعة 10 الصبح مع الخدم بالمطبخ صقر نايم بالصاله وسارة وشيخة بدارهم توهم قاعدين :
    سارة : انا بسبح انتي منتي سابحة ؟
    شيخة : بلى ... بس خل نتريق بالاول ونسبح الظهر

    نزلو الصاله لقوا صقور نايم
    شيخة : شفيه هذا نايم هني جنه مشرد
    سارة : شكله كان يشوف تلفزيون وراحت عليه نومه ... شكله يكسر الخاطر بروح اييب له كمبل الحفه حرام
    شيخة : انا بروح اييب لنا شي ناكله

    غطت سارة صقر وقعدوا يتريقون .... فتح صقر عيونه والا يلقاهم جباله: بسم الله الرحمن الرحيم
    شيخة : شفيك شايف ينانوة ؟
    صقر: شفيكم تاكلون جبالي ؟
    شيخة : انت اللي نايم بالصاله جان نمت بدارك
    صقر : راحت علي نومة ... قومي يباي لي ريوق على مااغسل

    عال 11 لبست شيخة وسارة مايوهاتهم ... سارة ماكانت متحجبة لبست شورت وبلوزة علاق وخلت الفوطة جنها شال على جتفها
    شيخة : ساروووووة حدج ماتعطلتي شورت وعلاق ... وانا صارلي ساعه اغطي شعري
    سارة : شفتي شلون ... عاد شيوخ بقولج شي
    شيخة : شنو؟
    سارة : ترا انا هالرمضان بتحجب
    شيخة : شالطاري ؟
    سارة : بس ...
    نزلوا البنات تحت صقر كان قاعد برا عالدري لمح سارة من بعيد وصد ماعجبة شورتها كان قصير بس ماتكلم لان ماله حكم عليها والبنات يسبحون ياو جيت سكيات شباب قريب منهم اول ماشاف صقر الجيت سكيات رايح لليال واشر حق شيخة وسارة انهم يطلعون ... هو ماكان منتبه ان سارة لابسه علاق لما طلعت من البحر وشافها استخف قام يصرخ : بسررررررررررررعة تحركوا
    شيخة وسارة استغربوا ليش صقر معصب جذي
    صقر: سوييييير ويهد ... شلابسة انتي .. غلطانه جان تفسختي
    سارة : صقر شفيك رايحة اسبح ... تبيني البس عباة
    صقر : لا ليش عباة تفسخي احسن
    حقرته سارة ومشت عنة
    شيخة : صقور شفيك تصرخ عالبنت ؟ فشلتها
    صقر: فشلتها لاني قلت لها تستر عمرها ... تصدقين عاد انا غلطان والا اتا شكو اصلا اتنرفز المرة الياية خل تلبس بكيني


    عدت السالفة على خير واصلا سارة وصقر مابينهم احتكاك فبردت السالفة عقب اذان العصر... وصلوا العمام وحريمهم وعيالهم ... قعدوا خوش قعدة عالمغرب .. ام خالد : شيوخ يما روحي غيري هدومج الحين حمولة نورة على وصول .... دشت شيخة غيرت هدومها وحطت مكياج خفيف بنزلتها من الدرج والا جاسم بويها
    جاسم : يه يه شهالكشخة ؟ شزينج؟
    شيخة (بابتسامة ) : تسلم
    جاسم : شيوخ منو اللي بيي الحين ؟
    شيخة : حمولة نورة اختي
    جاسم : عشان جذي خالتي مختبه .... يالله انشالله الخبة الياية تكون حق حمولتج وأشوفج عروس
    شيخة زين منها ما وقف قلبها لما قال اشوفج عروس ... جاسم نوعه يحب يمدح مرات وايد يكون مايقصد اي شي

    وصلت ام فيصل واختها نورية راحوا سلموا الحريم كانوا قاعدين برة بالحديقة لان الجو كان حلو اما الرياييل الصوب الثاني من الشاليه عاليال ... فواز كان ينزل الاغراض من السياره يعطيهم الخدم لما خلص راح صوب البحر
    سارة : يمااااا قلبي
    شيخة : شفيج ؟
    ساارة : منو هذا اللي ياي صوبنا ... اللي انا اعرفة ان في عرايس بحر مو معاريس بحر
    شيخة : امبي حدة حلو ... يمكن هذا فواز ولد خالتي نورية لانها قالت فواز قاعد ينزل الاغراض وبيي

    فواز كان طويل وحلو اسمراني شوي وعنده قفل كان لابس شورت كحلي وتيشرت بيضا عليها شخابيط وكاب ابيض
    فواز : السلام عليكم
    الكل : وعليكم السلام
    نورية : هذا ولدي فواز ... صار له سنه متخرج من الطب الحين هو دكتور بالاميري
    شيخة : امبي دكتور وحلو مايركب
    سارة : هيييييي انتي ... انت عندج جسوم ... هذا حقي انا ماعندي احد
    ام خالد : شيخة يمااا قومي ودي فواز عند عمامج وعرفية عليهم
    اول ماقالت ام خالد اسم شيخة التفت فواز يطالع شيخة
    سارة : ياريت اسمي شيخة
    شيخة : جبي حدج رقله
    مشوا شوي
    فواز : انتي شيخة اخت نورة ؟
    شيخة : اي
    فواز : شلونج ؟
    شيخة : الحمدالله تمام
    فواز : وين تدرسين ؟
    شيخة : متخرجة
    فواز : عيل وين تشتغلين ؟
    شيخة : للحين مااشتغلت
    وفواز يسال شيخة والا صقر وجاسم جبالهم
    شيخة : صقر هذذا فواز ولد خالتي نوريه امي تقول اخذة عند عمامي
    صقر : هلا والله حياك انا صقر
    جاسم : ياهلا ومرحبا انا جاسم ولد عمهم عبدالرحمن

    وقت العشا راحوا الرياييل عند الحريم وطول مافواز قاعد ماوخر عينة عن شيخة كانت شيخة حييييل عاجبته كان هدوؤها عاجبة
    العم محمد : شيوخه ............ شيوخ
    شيخة : هلا عمي
    العم محمد: شفيج يبا اليوم زعلانة علي ؟
    شيخة : لا ليش تقول جذي ؟
    العم محمد : مايتي قلتي عمي شتبي ماتبي ؟ افا ااااااااااااااااا وانا اقول شيوخ تحبني
    شيخة : افا عليك عمي اللي ايب لك ... شنو بغيت ؟
    العم محمد: انتي وذوقج ... كل شي منج حلو
    كان فواز قاعد يم العم محمد ويسمع كل شي ..... والعم محمد كان ملاحظ شلون فواز يطالع شيخة وفهم ان السالفة فيها ان
    قام العم محمد حق ام خالد : ام خالد ماعليج امر تعالي شوي
    ام خالد : هلا بو طلال امر
    العم محمد : شسالفته هالفواز ؟
    ام خالد ( اختبصت .. مافهمت شيقصد محمد ) : ليش شسوا ؟
    محمد: هو متكلم عن شيخة ؟
    ام خالد: مانت هين يا بو طلال ... اي والله وهو ياي اليوم يشوفها ماودنا يصير شي رسمي تالي البنت ماتعجبة او هو مايعجبها ... عاد قلنا يشوفون بعض بالزوارة ... بس طلبتك لاتقول حق احد ترا حتى ابوها مايدري والله ان درا يمكن يطلقني
    محمد: لا تحاتين ماني قايل حق احد وزين اللي سويته خل يعرفون بعض تالي يقررون

    رجع محمد مكانة والا تيي له شيخة : عمي صار لي ساعة ادورك
    محمد: ماعليه ... فواز ماتبي شي من البوفيه صحنك فاضي
    فواز : لاعمي تسلم
    محمد: قوم وانا عمك ترا سهرتنا بطول وبعدين نبتلش فيك وانت يوعان
    فواز : شيخة ودي فواز البوفيه نجبي له لان اذا هو نجب بحوس الاكل تالي ماراح نشتهي ناكل
    شيخة (استغربت ) : انشالله
    عند البوفيه
    شيخة : شنو احط لك ؟
    فواز : مادري شنو حلو ... انتي شتحبين ؟
    شيخة : اممم انا احب دياي مع بطاط حدة لذيذ كل زوارة لازم يسونة لي
    فواز : عيل حطي لي ماعليج امر
    شيخة: حتى ورق العنب حده لذيذ
    فواز : اوكي
    شيخة : امممم احط لك معكرونه صينيه عجيييبه
    جاسم : عاد هذي غرامي محد يحبها كثري
    التفت شيخة على الصوت والا جاسم وراهم
    شيخة : احط لك
    جاسم : اول حطي حق الدكتور تالي انا
    فواز ( بقلبة شيايبة هذا حبكت الحين ايي ) حطت شيخة حق فواز ومشى فواز رايح لمكانه
    شيخة : جاسم ماتبي احط لك شي ثاني
    جاسم : والله انتي عجيبة كلة مدللتني ... حطي مااقول لا

    خلصت الزوارة ومشوا الزوار لبيوتهم
    سارة وشيخة قاعدين عالبحر .. شيخة : سوير احب جسوم
    سارة : ادري
    شيخة : والله حرام الجو شحلاته والقمر منور وانا قاعدة معاج ... ليش مو هو اللي معاي
    سارة : صج ماتستحين ... ترا اقوم واخليج
    شيخة : لالا تقومين ... سوير تهقين يحبني ؟ والا عادي ؟
    سارة : وليش مايحبج ... يحصله وحدة مثلج .. بس والله مادري انتي شتحبين فية ... كلش مافيه زووود
    حدة عادي
    شيخة : حرام عليج ... حده زوغه كل شي فية حلو
    ساره : ويييييه حده مدلل عمره عايش الدور انه المدلل
    شيخة : شفيج عليه ؟ اكيد زافج
    سارة : لا زافني ولاشي ... بس مستعسرة ودايخة وانتي غصب مقعدتني بره ... قومي انام وايد احسن


    عقب ماردوا عايلة بو خالد من الشاليه بيومين دقت نورية على ام خالد تخطب شيخة
    ام خالد : والله هذي الساعة المباركه
    نورية : والله ياام خالد ماتدرين شكثر فواز طاير بشيخة ... انشالله انا انطر منج الو عشان نخطبها رسمي وايي انا وعمات فواز
    ام خالد : خلاص بس خل اشاور الابو وارد لج خبر انشالله

    راحت ام خالد دار شيوخ :
    شيوخة يما عندي لج خبر حلو
    شيخة : شنو يما ؟
    ام خالد: يالج معرس
    شيخة تتضايق من يخطبها احد لانها ماتبي غير جاسم ولد عمها وكانت دايم ترد اللي يخطبونها بحجة انها تبي تتخرج بس الحين مالها عذر : يمااااا مابي توني صغيره
    ام خالد: لا صغيرة ولا شي اصغر منج تزوجوا .... بعدين الولد ماينعاف منا وفينا وخوش ولد
    شيخة : منو هذا . اللي منا وفينا
    ام خالد : فواز ولد نورية
    شيخة حست جن احد معطيها طراق هذا صعب تردة لان ولد خالة ريل اختها ويعرفون امه عدل : بس يماااااا انا مابي
    ام خالد: شنو مابي ... كل ماتقدم لج واحد قلتي مابي ... ليش ماتبين الولد فيه شي ؟ كامل والكامل الله
    شيخة : يماااااا مابي اتزوج
    ام خالد : شنو مابي اتزوج لمتى بتم جذي
    شيخة : توني صغيرة
    ام خالد : شنو صغيرة اللي يسمعج يقول بيبي بالروضة ... حبيبتي الولد يهبل ومحترم وفوق هذا دكتور وامة تتشرف فيج ... ليش ماتبين قولي لي
    شيخة ( تبجي )): بس مابي وخلاص
    ام خالد (وهي معصبة حييييييل ) : شيوخ طالعيني لا يكون حابتلج واحد وقاص عليج ....... ردي علي انت تعرفين احد؟
    شيخة : لا والله يما ... والله مااعرف احد ولا شي
    ام خالد: عيل شفيج ؟ تكلمي لا اذبحج
    شيخة : يمااااا انا احب جاسم ولد عمي

    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:48 pm




    البارت السادس :

    شيخة : يمااااا انا احب جاسم ولد عمي
    ام خالد(مخترعة ) : جاسم ولد عبدالرحمن .... شنو يعني تحبينه ... بينكم شي ؟
    شيخة : لا يما ... شنو يعني بينا شي
    ام خالد: عيل شنو يعني تحبينه ... هو قايل لج شي؟
    شيخة : لا يما هو ماقال شي ... بس يما من كنا صغار وانا احبة مااتخيل اني اكون حق غيره
    احتارت ام خالد ب شيخة : يمااااا شيخة انت تحبينه لان من وعيتي عالدنيا تشوفنه وهو الوحيد قريب من عمرج عشان جذي تهقين انج تحبينه
    شيخة : يماا واللي يخليج مابي فواز ... يماا عفيه مابي اتزوج
    ام خالد: ليمتى يعني ماتبين تتزوجين ... شنو بتمين طول عمرج من غير زواج
    شيخة : يماااا قلت لج انا مابي الا جاسم
    ام خالد: واذا هو كان مايبيج شلون تمين جذي من غير زواج ... شيخه حبيبتي جاسم لو يبيج جان تقدم لج من زمان ... هو مو ناقصه شي عنده وظيفة ويقدر يفتح بيت ... لو ان يبيج شاللي مانعه عنج ... لو انج تدرسين جان قلنا يمكن ينطرج تخلصين بس يا حبيبتي انتي تخرجتي وعمرج عمر زواج ... واذا علي هم انا ودي تاخذين جاسم هو ولد عمج ونعرفه عدل بس يا يما كلشي نصيب ... يعني نتم ناطرين لمتى
    شيخه : يما بس انا مابي اتزوج الحين
    ام خالد : شيوخ لا تينيني ... انا كنت احسبج عاقله طلعتي خبله معلقه عمرج مع واحد مايندرا يبيج او لا ... لا تصيرين ياهل .. انا بكلم ابوج عن فواز واذا وافق بدق على نوريه عشان تصير الخطبه رسمي
    شيخه : ماراح اوافق
    ام خالد : مو الا توافقين ازوجج اياه غصب ... انا اول عبالي ان عندج سالفه بس الحين دريت انج ياهل ...
    باجر تشكريني انا امج وادرا بمصلحتج

    طلعت ام خالد من دار بنتها شيخة اللي كانت ميته من البجي .. شيخة تعرف امها اذا قالت شي ماترجع عنه على طول دقت شيخه على سارة
    شيخة (تبجي ) : الو ساروة
    سارة : شيوخ شفيج ؟
    شيخة : سوير لحقي علي بموت
    سارة : شفيج خرعتيني تحجي
    شيخة : بزوجوني
    سارة : شنو .؟ بزوجونج منو ؟
    شيخة : فواز ولد خالتي نوره
    سارة : مالت عليج وهالشي يبجي ... اصلا يابختج
    شيخة : ساروة من صجج انتي ... وجاسم ؟
    سارة : خل يولي ... انتي شايفة فواز عدل والا قاعد تستهبلين ؟
    شيخة : بس انا احب جاسم
    سارة : واااااي صج مو ويهه نعمه ... خلاص عيل قولي مابي فواز
    شيخة : قلت ... امي قالت اخذه غصب
    سارة : عاد ليش غصب هذا زواج مو شي غصب
    شيخة : اهي قالت جذي لما قلت اني احب جاسم وابيه
    سارة : من صجج قلتي تحبين جاسم ... حدج قويه ... وشنو يعني خالتي ما تبي جسوم
    شيخة : مو ماتبيه ... بس تقول لو يبيني جان تقدم لي من زمان او لمح
    ساره : كلامها صح ... خلاص شيوخ مالج نصيب مع جاسم يمكن خيره ويطلع فواز احسن منه
    شيخه : بس انا احب جاسم شلون اتزوج فواز وانا احب غيرة (تبجي ) ساروووووووووه تكفين شوفي لي حل
    سارة : وانا شعرفني القى حل شقالولج ...................... شيوخ هو ماكو الا حل واحد
    شيوخ (بفرحة ) : شنو ... قولي
    سارة : ان جاسم يخطبج واكيد ان اهلج مايردون ولد عمج عشان غريب
    شيخة : اي بس شلون بيخطبني
    سارة : انا اقوله
    شيخة : لا فشله ... اقط عمري عليه اشكرة
    سارة : ماراح يدري انج تدرين



    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:48 pm

    جاسم بدارة يكلم ريم
    جاسم : حده مالي خلق اداوم باجر شكلي بكشت
    ريم : داوم شوراك ... ان ما دومت بتخيس نوم
    جاسم : اخيس بس اريح ... احس اني تعبان ... شكلي باخذ اجازه جم يوم اريح فيها
    وجاسم يسولف مع ريم دقت سارة باب دارة
    جاسم : منو ؟
    سارة : انا
    جاسم : يلا ريوم شوي واكلمج هذي اختي ... باي ...... دشي سوير
    ساره : شدعوه ساعة على ماتقولي دشي شكنت تسوي
    جاسم : وانتي شكو ... خير مشرفتني بزيارتج مو عوايدج
    ساره : ابد كنت قاعدة بروحي قلت ايي اسولف معاك
    جاسم : حياج الله ... عاد عن شنو بتسولفين ؟
    ساره : عنك
    جاسم : اشمعنه ؟
    ساره : ابد ... بس مايصير اخوي ومااعرف عنة شي
    جاسم : شنو تبين تعرفين ؟
    سارة : انت ليش للحين ماتزوجت
    جاسم : نصيب ..والله ما كتب ... للحين مالقيت بنت الحلال
    سارة : يعني ماكو وحدة ببالك ؟
    جاسم : لا ... عندج لي عروس
    سارة اندقرت لان جاسم مو حاط شيخة بباله : لا شقالولك خطابه ... عاد والله لو ادور تلقى ......خل افكر منو تاخذ منو تاخذ ........ جسوم ليش ماتتزوج شيوخ ؟
    جاسم : اي شيوخ ؟
    سارة : شنو اي شيوخ ... ليش جم شيخه عندنا ؟
    جاسم : قصدج شيوخ بنت عمي .... اي شي صح؟
    سارة : ليش شفيها شيوخ؟
    جاسم : مافيها اصلا هي عجييييبه بس ماافكر اخذها كلش
    ساره : شدعوه عاد هي اللي بتموت عليك ... اصلا الف واحد يتمناها ... تدري ان فواز خطبها ( سارة قالت جذي حسبت ان جاسم اذا درا ان شيوخ انخطبت يعيد التفكير )
    جاسم : اي فواز
    سارة : الدكتور الحلو اللي يه الشاليه هذاك اليوم ...
    جاسم : اييييييي عرفته عاد صج والنعم فية ريال شقردي ... عاد انشالله شيوخ وافقت
    سارة ( حست ان بتحوشها جلطه ) : انت عندك عادي ان يخطبها ؟
    جاسم : وليش مو عادي شيوخ خوش بنت وتستاهل كل خير وفواز صج اني ماقعدت معاه الا مره وحد بس مبين ان خوش ادمي وسنع ... الله يكتب اللي فيه الخير لهم ... الا شيوخ وافقت او لا ؟
    سارة : مادري قاعد تفكر
    جاسم : قولي لها تتوكل على الله ترا الريال ما يطوف حده حبيييييييييييييييييييييييب

    طلعت سارة من عند اخوها وخاطرها مكسور على شيخه وحدها محتاره شتقول لها ردت دارها والا ادز مسج حق شيخة : مالقيت جاسم بدارة شكله طالع باجر اكلمه ...
    شيخة ضاق خلقها لما قرت المسج بس ماباليد حيله ماكو الا تنطر لباجر

    اول ما طلعت سارة من دار جاسم دق جاسم على ريم :
    هلا ريوم
    ريم : هلا فيك ... خير شفيها اختك
    جاسم : ماكو سلامتج .... ريوم بكلمج بسالفه ( كان بيتكلم عن زواجهم )
    ريم : حتى انا بقولك شي .. قول اللي عندك تالي انا اقول
    جاسم : لا انتي قولي اول
    ريم : ترا عقب يومين بسافر
    جاسم (معصب ) : نعممممممممم وانا اخر من يعلم غلطانه ليش قلتي لي جان لما ركبتي الطيارة تحجيتي
    ريم : شفيك تصرخ والله ماكنت ادري توه اهلي قالوا لي واول مادريت قلت لك
    جاسم : مانتي رايحه
    ريم : شنو يعني ؟
    جاسم : شنو شنو يعني ؟ ..... يعني منتي ذالفه مكان قولي حق اهلج مااقدر طلعي لج اي عذر
    ريم : انت من صجك ... واقعد بالكويت بروحي ... جسوم لا تصيرين بايخ ماني مطوله بس اسبوعين
    جاسم : اسبوعين وتقولين منتي مطوله .... ريوم شكلج ماعرفتيني عدل لاتحسبيني اعاملج عدل ومدللج اني اهبل ترا والله ان راويتج ويهي الثاني تكرهيني
    ريم : حشى مو طبيعي انا شقايله عشان تعصب جذي ... قلت بسافر مع اهلي ... يعني شقول حق اهلي والله رفيجي مو راضي اسافر معاكم
    جاسم : ريوم والله هالرفيج مو عاجبه هالحال والف مرة اقولج خل اتقدم لج بس انتي اللي مادري شفيج كنتي تتحججين بدراستج الحين صارلج قريب السنه متخرجه شالعذر اليديد اللي بتقولينه
    ريم : انا مو قاعد اتعذر ... بس خل نعرف بعض عدل اكثر
    جاسم : انتي بتينيني ... صارلنا سنتين ... تدرين شلون ذلفي باللي مايحفظج
    رقع جاسم التلفون بويه ريم ... هو ماعصب من سالفة سفرها هو اللي خلاه معصب كلام سارة ... حتى هو مو عاجبه حاله ان قاعد من غير زواج وهو يحب ريم ومايبي غيرها بس هي معصلقة وياه ... دزت ريم اكثر من مسج بس جاسم ماجاوبها ولا حتى كان يرد على اتصالاتها كان يبيها تعرف ان صج زعلان هالمره وان لازم توافق على اللي هو يبيه واللي جاسم يبيه ان يخطبها ... يوم سفرة ريم دزت له مسج : انا بركب الطياره الحين ... كان ودي اسمع صوتك قبل لا اسافر .. انشالله لما ارد نتفاهم
    جاسم قرا المسج : هذي نقزه شكبرها انها ما هي داقة وهي مسافرة

    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:49 pm

    دقت شيخة على سارة :
    سارة وينج ؟
    سارة : بالجامعه
    شيخه : شفيج صارلج جم يم تتنحشين مني ؟
    سارة : لا اتنحش ولا شي
    شيخة : كلمتي جاسم
    سارة : اي اليوم ايي لج واقولج
    شيخة : لا الحين قولي لان امي كلمت ابوي وابوي وافق واليوم امي بدق على خالتي نورية عشان تصير الخطبه الرسمية ... امي تقول على طول يبون خطبة رياييل ... فواز مستعيل ... وانا مادري شقول
    سارة : قولي انج موافقه
    شيخة ( بصدمة ) : ليش ؟ جاسم شقال ؟
    سارة : شيوخ ... جاسم كلش مايفكر فيج ولا انتي على باله ... حرام تقطعين نصيبج عشانه ... ترا والله مايستاهل اللي هالعمر كله ماحس انج تحبينه ما يستاهل حبج

    شيخة صكت فيها الدنيا لمادرت ان جاسم مايحبها ولاحتى يفكر فيها .. قامت تبجي على روحها والا بدخلة امها ... ام خالد لما شافت بنتها جذي تقطع قلبها عليها : شيوخ يماااا اسم الله عليج لاتسوين بعمرج جذي ... خلاص مو الا تتزوجين فواز بس لا تبجين جذي عورتي قلبي
    شيوخ لمت امها وتمت تبجي
    ام خالد : حبيبتي ... شفيج تكلمي خرعتيني ؟
    شيخة : يما جاسم مايحبني ؟
    ام خالد: شنو منو اللي قالج ؟
    شيخة : سارة كلمته وهو قال ان كلش مايفكر فيني
    ام خالد : حبيبتي انتي ... ماتدرين انشالله خيرة .. يمكن الله كاتب لج الخير والهنا مع فواز ترا والله فواز طيب وينحب باجر بسرعة تحبينه ... خلاص حبيبتي ذكري الله ماكو الا العافيه انشالله قومي غسلي ويهج

    بنفس الاسبوع صارت خطبه الرياييل وام فواز دقت على ام خالد تبارك لها
    نوريه : بالمبارك يا ام خالد ... والله يتمم عليهم ونفرح فيهم
    ام خالد: الله يبارك فيج حبيبتي .. والله يسمع منج انشالله
    نوريه : لحظة ام خالد .... ( وتكلم اللي يمها اثقل لوعت جبدي الحين بقولها ... فشلتني ) .... ام خالد والله ينني فواز الا يبي يعرف يقدر يكلم شيخه بالخطبه او لا ؟
    ام خالد : والله مادري ... خل اشاور ابونا وانشالله اليوم ارد لج خبر
    نوريه : انزين يا ام خالد ادري اني مصختها بس شيخة يمج ... فواز بس يبي يبارك لها مو مطول بس يقول مبروك ويسكرة على ماتيبين موافقة ابوكم
    ام خالد : لا والله ماهي يمي ...... 10 دقايق وخليه يدق على ماانديه انشالله هي اللي بترد عالتلفون

    نادت ام خالد شيخة وقالت له شيخه جد ماكان له خلق بس اللي خلاها توافق ان امها قالت لها ان بس ببارك ويسكره
    بالضبط 10 دقايق ورن التلفون :
    فواز : السلام عليكم
    شيخة :عليكم السلام
    فواز : شيخة شلونج ؟
    شيخة : الحمدالله بخير
    سكت فواز شوي
    شيخة : الو
    فواز : هلا معاج
    شيخة : شفيك سكت ؟
    فواز (يستظرف ) : كنت ناطرج تقولين لي شلونك ؟
    شيخة (منحرجة ) : شلونك ؟
    فواز : لما سمعت صوتج صرت زين .... مبروك
    شيخة : الله يبارك فيك
    فواز : انشالله الله يقدرني واسعدج
    شيخة : تسلم
    فواز : بعد شخبارج ؟
    شيخه ( شكله بسولف وامي قالت ماراح يطول ) : والله الحمدالله
    فواز : ترا ماني مسكرة ... انا قلت اني بس ببارك عشان يخلوني اكلمج مو من صج
    شيخه : -----------------------------
    فواز : شفيج ساكته ؟
    شيخة : مافيني شي ... بس امي قالت انك بس بتبارك واخاف اني اطول تتضايق اذا درت
    فواز : معاج حق خلاص عيل اكلمج وقت ثاني انشالله ومرة ثانيه بالمبارك
    شيخة : الله يبارك فيك

    بالليل كانت شيخه قاعدة بدارها تقرا مجلات والا يرن تلفونها رقم غريب اول مرة ماردت بس الرقم دق مره ثانية : الو
    شيخه : نعم ؟
    المتصل : شلونج شيخه ؟
    شيخه : منو معاي ؟
    فواز : امداج تنسيني صوتي انا فواز
    شيخه (انخبصت ) : فواز ؟
    فواز : اي شفيج مستغربه ؟
    شيخه : من وين يبت رقمي ؟
    فواز : خالتي ام خالد عطته امي وقالت لها ان الوالد رضى اكلمج لوقت الملجه عشان نتعرف على بعض اكثر
    شيخه : محد قالي !!!!!
    فواز : كا انا قلت لج الحين ... عاد الحين مالج عذر تسكرينة اهلج ووافقوا الا اذا انتي ماتبين تكلميني هذا شي ثاني
    شيخة : لا شدعوه
    فواز : شلونج؟
    شيخة : الحمدلله بخير
    سكت فواز شوي : يعني لازم كل مرة انطر مده على ماتقولين لي شلونك ؟ ترا انا مزهب حوار وكلمة شلونك اساسيه فية ... اذا ماقلتيها راح اتوهق ومادري شقول
    شيخة : هههه شلونك ؟
    فواز : والله حدي مستانس هذا لوني ... صج احس اني مرتاح اني خطبتج تدرين الوالده صارلها فترة ادور لي بس من تقولي عن وحدة ينقمت قلبي بس الله يشهد انها اول ماقالت لي عنج حسيت براحة ولما شفتج دخلتي قلبي بسرعه ...
    شيخه : تسلم
    فواز : عاد اقولج شي شيخه ...
    شيخه : خير
    فواز : انا شايفج مره قبل لا اشوفج بالشاليه
    شيخة : صج ؟
    فواز : اي والله بس محد يدري حتى امي.... بس صج تعذبت عشان اقدر اشوفج
    شيخة : وين شفتني وشلون ؟
    فواز : الله يسلمج انا امي لما قالت لي عنج قالت انج اخت نورة مرة فيصل ولد خالتي عاد انا كلمت فيصل وسالته عنج عاد انا خذيت عنوانكم واليوم الثاني عقب ماطلعت من الدوام وقفت جدام بيتكم انطرج تطلعين لان ادري ان نورة ماعندها الا اخت وحده... يعني اي بنت بتطلع من بيتكم اكيد بتكونين انتي بس يومها خست وانا انطر و ما طلعتي بس اليوم الثاني شفتج وانتي طالعة الافنيوز معاج وحده وكنت قاعد بستار بكس وراج بجم طاوله
    شيخة : شنو تراقبني ؟
    فواز : لا والله حشى ماقصدت جذي ... بس الصراحه من اول ماشفتج عجبتيني وحسيت ان ماشبعت من شوفتج قلت اقعد اجابلج بستار بكس ... بس صج الله يسامحج يومها
    شيخة : ليش ؟
    فواز : انتي واللي وياج افتريتاو فراره مابقى محل مادخلتوه ... انا يومها مارحت النادي حسيت ان المشي اللي مشيته وراكم كفايه
    شيخة : شنو انت تروح نادي ؟
    فواز : اي ... ترا انا رياضي حرييييف ... فايز ببطولات
    شيخه : مشالله
    فواز : جنج مو مصدقه
    شيخة : ما قلت شي .... بطولات شنو ؟
    فواز : الله يسلم بطولات سباحه ... انا سباح ... بس بيني وبينج ولا مرة فزت بالمركز الاول حدي الثالث حتى الثاني ماحشته
    شيخة : انشالله ايي يوم و تطلع الاول
    فواز : لا راحت علي هالكلام لما كنت بالثانويه ... بس حبيت اسوي اكشن شوي اراويج اني بطل
    وتمت شيخه وفواز سوالف .. فواز كان يسولف ويشتط وشيخه هادية ماتتكلم الا اذا سال كانت بفكر ثاني بس الصج ينقال حبت فواز يعني لو انها ماتحب جاسم جان اكيد ان حبت فواز .... اما فواز حده زاد اعجابه فيها
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:49 pm

    االبارت السابع :

    قعدت شيخه من النوم الظهر لان امس فواز طول معاها بالتلفون ... اول ماشافت تلفونها لقت 3 مسج من فواز
    المسج الاول كان الساعه 7 الصبح :
    9aba7 el 5eer ana tawny ga3ed mn el noum w bro7 el dawam

    المسج الثاني الساعه 8 الصبح :
    Ana we9alt el dawam glt agol lej 3ashan ma t7ateeni
    المسج الثالث عال 1 :
    Shaklej lel7een naymah ….. ana radeet el beet w bnam li shway

    ابتسمت شيخه وهي تقرا المسجات : ياحليله عطاني تقرير عن يومه ...
    عالمغرب رن تلفون شيخه المتصل كان فواز : قوه
    شيخه : هلا ومرحبا
    فواز: شلونج:؟
    شيخه : بخير الحمدالله
    سكتت شوي والا بسرعه تقول انت شلونك؟
    فواز : ههههه والله ذاكره
    شيخه : شفت شلون
    فواز : انا ماكنت ناوي ادق قلت بنطر لينا انتي ادقين بس صار المغرب ومادقيتي ... قلت اكيد نستني
    شيخه ( اصلا ماكانت ناويه ادق حست ان فشله ): لا والله بس عبالي نايم
    فواز : شدعوه للحين نايم شقالولج شيخه ؟
    شيخه : امم من اولها تقط نقزات ......والا حاسدني عالنومه ؟
    فواز : اتغشمر وياج نوم العافيه انشالله ... اذا انتي مريحه جني انا اللي مريح
    شيخه : تسلم من طيبك
    فواز : ما سالتيني شنو قاعد اسوي ؟ ماتسمعين الاصوات يمي
    شيخه : بلى من اول مادقيت واسمع لويه عندك ... شتسوي ؟
    فواز : اطبخ
    شيخه ( مشتطه ): والله صج ؟
    فواز : اي والله وصار لي ساعه اكفخ الجدر بالطاوله والعب بالكفاش ابيج تقولين شهالازعاج بس انتي مطنشه
    شيخه : ماحبيت اتليقف .... شنو تتطبخ ؟
    فواز : لازانيا
    شيخه : nice عاد تعرف تطبخ عدل او بس اطقطق ...
    فواز : لا عدل اسوي مجابيس وعيوش اضبطج افا عليج ... انشالله على يوم اذوقج طباخي
    تمت شيخة وفواز يسولفون شوي... شيخه : خلاص فواز اخليك الحين
    فواز : على وين تو الناس ؟
    شيخه : والله بروح بيت نوره اييب عيالها اليوم هي معزومه وبتخلي عيالها عندنا
    فواز : شكلج تحبين اليهال
    شيخه : عادي بس هذول عيال اختي غصب احبهم بس ولدها شيطان ودعله عكس بنتها زوغه
    فواز : الله يخليهم لكم ... متى بتطلعين
    شيخة : شوي وبطلع على ماالبس
    فواز : اذا طلعتي دزي مسج وهم اذا رديتي دزي مسج عشان ادق
    شيخه: انشالله
    راحت شيخه دارها غيرت هدومها وطلعت بسيارتها
    دق عليها فواز : هلا شيخه
    شيخه : هلا فيك
    فواز : شيوخ قلبي يعورني
    شيخه(مخترعة ) : اسم الله عليك شفيك ؟
    فواز : اكو وحده جدامي راكبه كايين برونز حدها قمر
    شيخه (تتلفت ) : اي شي انت وين ؟
    فواز : جيب لكزس اللي وراج
    شيخه : صج عيار
    فواز : والله مو عيار بس قلت اسوي اكشنات شوي
    شيخه : حده ماعندك شغل
    فواز : اي والله الفضاوة وماتسوي

    كانت شيخه مرتاحه مع فواز ومايخرب راحتها الا ذكرى جاسم مرة من المرات كانت بدارها تفكر : ياربي انا ليش جذي هبله ... فواز حده اينن طيب وحنون ومو مخلي علي قاصر ... شفيني مو قادره احبه ليش للحين اذكر جاسم ياربي انت اعلم بالحال يارب هدي بالي ووفقني يارب ... يارب نسني جاسم وحبب فواز فيني وحببني فيه يارب قدرني اني احبه ولا اشوف بالدنيا غيره تمت شيخه طول الليل تدعي وتستغفر ربها كانت تحس انها قاعده تظلم فواز لانها تفكر بغيره
    اما جاسم كان بحاله مايعلم فيها الا الله كان ناطر ردت ريم وفيه هوشه .. من داخله يدري ان مايقدر يهدها هو تعود عليها ويحبها والبنت حدها زينه معاه بس مايدري ليش هي ماجله سالفة الزواج ... ومن كثر التفكير قام يوسوس ان ريم يمكن تعرف غيره او انه مجرد تقزوره عندها وصارت الافكار تيبه وتوديه

    شيخه كانت بالصاله ويا امها
    ام خالد : ها شيوخ بشري شلون فواز وياج ؟
    شيخه : وايد زين حده طيب ومحترم
    ام خالد: اي مشالله خوانج يمدحونه جم مره ايهم الديوانيه يقولون وايد حبيب
    شيخه: حيييييييل حبوب ويدش القلب
    ام خالد: مو قلت لج باجر اكيد تحبينه ... شيوخ مااشوفج تروحين وتردين .. كلش ماتطلعين ؟
    شيخه : اطلع وين ؟
    ام خالد: شنو نسيتي انج عروس ولازم اتجهزين؟ باجر الصبح روحي مجمع زهرة شوفي سارة والا نوره يروحون معاج ؟
    شيخه : اي صح خلاص عيل اقوم الصبح اطلع... اشوف سوير تروح معاي اهي لها مقاقة عالسوق اما اذا خذيت نورة لا بالله ماجهزت
    ام خالد: انتي وفواز ماحددتوا متى تبون الملجه والا ناويين اتمون مخطوبين على طول
    شيخه : مادري يما ما ياب لي طاري ... واستحي انا اسال
    ام خالد: عيل ماكو الا ادق على نوريه اعرف منها شناويين ... مايصير جذي طايحين لي سوالف كل يوم بالساعات ولاندري متى الملجه
    ماامداها ام خالد تستكت ام خالد والا يدق فواز ... شيخه : عمرة طويل
    ام خالد: اي مشالله ... طلعي كلميه بره على ماادق على نوريه على ماطلعت شيخه من الصاله وراحت دارها الا فواز مسكره دقت عليه شاله من اول رنه ... شيخه : الووو
    فواز ( كان صوته صوت واحد توا قاعد من النوم وكان صوته حيل هادي وحلو ) : هلا بغلاتي
    شيخه ( حدها انحرجت لما اسمعت صوته .. مادري شكو وتودهت من كلمة غلاتي .. وهي مستحيه ) : هلا فيك
    فواز : فديت اللي يستحون والله
    شيخه : ...
    فواز : شلونج ؟
    شيخه : بخير انت شلونك ؟
    فواز : ولهان عليج
    شيخه : ------
    فواز : يعني انتي ماولهتي علي ؟
    شيخه : انا ماقلت جذي
    فواز : بس هم ماقلتي حتى انا ولهانه عليك... شكلي بزعل
    شيخه : انت عيار .. الله يعيني عليك
    فواز : شدعوه مايصير ادلع على حبيبتي
    شيخه : --------
    فواز : اكلم نفسي انا صح
    شيخه : شقول ماعرفت شرد
    فواز : شدعوه شقايل انا .... اقول انتي شدلعونج؟
    شيخه: اممممم شيوخه او شوشو ؟
    فواز : شنو شوشو جنه اسم رقاصه ... انزين انا ابي اسم ادلعج فيه بس يكون حقي بروحي .. شنو ؟
    شيخه : كيفك اللي تبي
    فواز : ..... بسميج شيوختي ... عشان تصيرين حقي بروحي ... اكو احد يناديج شيوختي
    شيخه : لا
    فواز : عيل انتي شيوخه منو ؟
    شيخه (حده انحرجت ) : فواز شفيك اليوم ؟
    فواز : شفيني ... ردي علي ولاتخليني اعيد وايد مااحب اكرر كلامي .... انتي شيوخة منو؟
    شيخه : فواز
    فواز : لا غلط مو جذي
    شيخه : عيل ؟
    فواز : قولي انا شيوختك انت بس
    شيخه : مابي
    فواز : شقلت انا مو قلت مااحب اعيد كلامي....
    شيخه : انا شيوختك انت بس
    فواز : انزين وانا شنو بدلعيني ؟
    شيخه : شنو تبيني لا يكون تبيني اقولك فوازي
    فواز : لا قولي لي حبيبي
    شيخه : انت اليوم بدعت ... حدك خرته
    فواز : شدعوه خرته بعد انتي مرتي ... تعالي على طاري انج مرتي متى بنملج ؟
    شيخة : مادري عاد اليوم امي سالتني وقالت بتكلم خالتي نوريه
    فواز : اي انا امي ماعندها الا هالسالفه ...من كثر ماتحن فوق راسي قمت احلم فيها ... انتي شرايج الاسبوع الياي؟
    شيخه : شنوووووووووو الاسبوع الياي
    فواز : خلاص لاتزعلين انخليها باجر
    شيخه : لا.... عقب شهرين
    فواز : اللللللللللللللله شنو شهرين ... ليش ؟
    شيخه : يالله يمديني اجهز ... للحين ماشريت لي ولا بدله
    فواز : شدعوه ماعندج هدوم ... هذاك اليوم جدامي بالافنيوز مابقى شي ماشريته
    شيخه : لا ماينفعون
    فواز : ركبي لج توينز على بنطلون وحطي سكارف صارت بدله المرة اللي وراها شيلي السكارف وغيري الجنطه هذه بدله ثانيه ...
    شيخه : وانت شعرفك بهالسوالف .... شكلك مو هين ؟ شكله لك سوالف
    فواز : حراااااااااااااام عليج .... الظليمه شينه
    شيخه : انت ماعندك خوات ... لو عندك جان قلت يمكن تسمعهم ... قولي شعرفك؟
    فواز : التلفزيون
    شيخه : والله انا حاسه ان لك ماضي اسود ... من عرفتك وانت عيار الحين عرفت العياره من وين يت
    فواز : عاد ماضي اسود مره وحده ...قولي رمادي منقط بابيض ههههههههههه ... المهم اني الحين ماعندي الا شيوختي وصدقيني ماراح يكون عندي غيرها اخذيها مني كلمه اكيده ماكو غيرج ..... قوللي
    شيخه : شنو ؟
    فواز : انت شيوخة منو ؟
    شيخه : ردينا
    فواز: شوفي ياتقولين لي يا والله مااسكره الا لما تقولين لي حبيبي
    شيخه : لا خلاص بقول
    فواز : انتي شيوخة منو ؟
    شيخه : انا شيوختك انت بس
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:50 pm

    مر الاسبوع الثاني من خطبتهم وشيخه وساره ماغير يحوسون بالمجمعات يشرون بالهدوم
    ساره : شيوخ ... انتي لحد الحين شريتي فوق ال15 بدله وجناط وجواتي وبدلة الحفله حجزناها
    شيخه : اي الحمدالله ... الله سهل علينا
    ساره : بس ترا ماشريتي ولا قميص نوم ؟
    شيخه : وليش اشتري هي بس ملجه
    ساره : اي بس ماتدرين ... اشتري احتياط
    شيخه : لامابي استحي واصلا مااعرف ....
    ساره : عيل شلون حق العرس ؟
    شيخه : باخذ امي او نوره معاي او هم يشترون لي
    ساره : اي اشوه مو انا بعد ... تفتحين عيوني وانا توني صغيره
    شيخه : ساروة دامي قاعد اجهز اشتري لج جم بدله حق لما تتحجبين رمضان مابقى له شي
    ساره : هااااا مو هالرمضان انشالله رمضان الياي
    شيخه : صج مالت عليج وانا كنت مصدقه
    ساره : اقولج انتي الاسبوع اللي طاف وهالاسبوع ماييتي الزوارة .. الاسبوع الياي بتيين او لا ؟
    شيخه (تذكرت جاسم وضاق خلقها بس ماحبت تبين حق ساره انها للحين تفكر فيه خافت ان هالشي يقلل من قدر فواز) : اي انشالله اكيد
    ساره : عاد الزواره ببيتنا الاسبوع الياي
    شيخه : شطاري ...؟
    ساره : ماكو بس جذي تغيير

    يوم الزواره
    فواز يكلم شيخه
    فواز : خلصتي تجهيز او لا ؟
    شيخه : تقريبا اي خلصت
    فواز : الحين الاسبوع اللي طاف كل يوم طالعه صبح وليل للحين ماخلصتي ؟!!!!!
    شيخه : انا خلصت هدوم وهسالوالف ... بس للحين ماحجزنا دي جي ولا مطعم ولا دورت ورد وكوشه
    فواز : ليش كل هذا ؟ ترا ملجه مو عرس
    شيخه : بس بنسوي حفله وهالاشياء لازم
    فواز : انزين قولي لي نفنوفج شلون صاير ؟
    شيخه : مفاجاه ماني قايله
    فواز : انزين لاتحطين مكياج وايد .. ابي شي حده خفيف
    شيخه : اصلا انا مااحب المكياج الوايد .... بس ليش ؟
    فواز : بعدين تعرفين
    شيخه : وليش مو الحين ؟
    فواز : استحي ههههههههههههههههههههههه
    شيخه : انت قليل ادب
    فواز : انا ماقلت شي ... هذا وانا قايل استحي تقولين قليل عيل لو قايلج اني يوم الملجه بقطعج بوس شبتقولين
    شيخه : فواز والله اسكره
    فواز : هههههههه خلاص ماني قايل شي ... ماني قايل ان يوم الملجه بحجز سويت بفندق ؟
    شيخه(طلعت عينها ) : شنو ؟
    فواز : انا ماقلت شي ... شنو شنو؟
    شيخه : شسالفة الفندق اللي بتحجزة ؟
    فواز : شنو ابي اقعد معاج ... انشالله مااقعد افرفر بالشوارع واحنا نسولف
    شيخه : نقعد ببيتنا
    فواز : مابي ....
    شيخه : انت وايد ماخذ راحتك
    فواز : والله لو اني مو مرتاح وشاريج جان ماخذيت راحتي ... شيوخ تصدقيني اذا قلت لج اني جد احبج
    شيخه(انصدمت وانحرجت بنفس الوقت ... توهم مخطوبين مسرع ماحبها )
    فواز: شفيج ؟
    شيخه: مافيني بس مستغربه تونا مخطوبين ماامداك تحبني يمكن ترتاح لي تعزني بس تو الناس عالحب
    فواز : لا والله احبج ... ومتاكد تدرين ليش ؟
    شيخه : ليش
    فواز: لانج حلالي ... يعني انتي جدام الله والناس لي شلون ماتبيني احبج

    شيخه كانت كل يوم تتقرب من فواز اكثر وتنعجب فيه اكثر بس للحين ماحست بالراحه يطري عليها جاسم مرات تحاول تشيله من بالها تحاول تنسى تلهي نفسها باي شي مره تقدر وعشره لا ... حيل صعب ان الانسان يقدر ينسى حب عمره واحلام خذت من وقته سنين صعب ينساها بايام .

    اما جاسم حالته كانت صعبه كان يعيش بجو رعود وبروق ناطر ريم على نار هو واثق ان تحبه وهذا اللي شوي قوى قلبه ان يخيرها اما ان يفترقون او يخطبها ... مستحييل ان تبيع حبهم وعشرتهم سنين
    جاسم كان بسيارته راد من الدوام والا ادق عليه ريم :
    جاسم : الو
    ريم : شلونك حبيبي ؟
    جاسم : متى رديتي ؟
    ريم : امس بالليل
    جاسم : وتوج داقه ... غلطانه جان ريحتي اسبوع تالي دقيتي
    ريم : شدعوه ... الحين بدال لا تقولي حمدالله عالسلامه وتهلي فيني ... تنفس علي جذي
    جاسم : من عمايلج؟
    ريم: حراااام عليك جسوم امس مارديت الا متاخر حيل وعلى ماوصلت البيت الا انا ميته من التعب على طول نمت
    جاسم : ------------------------
    ريم : حبيبي لاتعصب ولا مااحب اشوفك متضايق ولا استحمل زعلك علي
    جاسم : انتي فاضيه الحين والا مشغوله ؟
    ريم : لا فاضيه امر
    جاسم : دشي دارج او قعدي بمكان بروحج ابي اكلمج بسالفه ... واحسن لج ان ماحد يقاطعنا
    ريم : انا الحين بروحي هذا صوت التلفزيون
    جاسم : ريوم شوفي انتي تدرين اني مو بس احبج الا اموت عليج
    ريم : والله حتى انا
    جاسم : لاتقاطعيني ... انا بقولج اللي عندي وانتي حره اخذي القرار اللي تبينه على قولتهم عقلج براسج تعرفين خلاصج ... بس ابيج تتاكدين من القرار اللي تاخذينه لاني صدقيني ماراح اعطيج فرصه انج تغيرينه
    ريم : جاسم خرعتني ... شفيك؟
    جاسم : يابنت الناس انا صبرت عليج وايد ومو معناته اني احبج اني اعطيج على هواج انتي جدامج شيين يا ان نتزوج او كل واحد يروح بدربه ... لان صراحه هالحال المايل ما يعجبني ...
    ريم : ليش نتزوج ؟
    جاسم : انتي بتينيني ... البنات يدورون الريل بالتفك وانتي تتعززين ... اول مره بحياتي اشوف بنت تبي علاقه لعب خبري الرياييل هم اللي يلعبون
    ريم : انا ماقلت ابي علاقه لعب واظن ان علاقنا انا وايد ملتزمه فيها ويبين اني ما العب
    جاسم : عيل شفيج ... ريم انتي تحبيني ؟
    ريم : اي
    جاسم : حلفي
    ريم (تبجي ) : والله العظيم اني احبك ولا احب احد كثرك
    جاسم : عيل شفيج ؟
    ريم : مافيني
    جاسم : لاتقعدين تبجين وتكلمي عدل ... ليش تبجين الحين لاانا الل طاقج ولا انا اللي سابج ليش البجي ...
    بس انا مليت بنكمل 3 سنين جذي والله لو اني مو شاريج وعارف انج خوش بنت جان ماتميت هالكثر بس كل شي وله نهايه وانا ابي نهايتنا الحين ... شقلتي
    ريم (تبجي حييييييل ): مااقدر
    جاسم : شنو مااقدر تكلمي والا والله اسكرة ولاتسمعين صوتي مره ثانيه ... لاتعلقيني عطيني سبب
    ريم :-----------------------
    جاسم : شكله ماكو فايده ... انا غلطان ضيعت وقتي معاج ... لا يكون اشوف رقمج والا والله لو حتى يوصل لي بس مسج منج عقب هالمكالمه لا اغير رقمي
    ريم : جاسم لا تكفى لاتسوي جذي
    جاسم : عيل تحجي شفيج ؟ عطيني سبب يقنعني
    ريم : انا متزوجه !!!!!!!!!!!!!!!!!!!!!!!!!!!!!!!!!!!!!!!!!!!!!!!!


    __________________
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:50 pm

    البارت الثامن :
    ريم : انا متزوجه
    جاسم ( مااستوعب ريم شنو قالت للحظه حس ان الدنيا وقفت فيه حاول يتكلم يصرخ يقول اي شي بس الكلام كله طار اصلا مو بس طار الكلام الا نسى شلون يتكلم ... ريم تبجي تنطر اي كلمه من جاسم اي ردة فعل جاسم تم ساكت تم مصدوم ضاقت فيه الدنيا حس اته مخنوق
    جاسم ( بصوت مصدوم وهادي ) : مافهمت ... شنو يعني متزوجه ؟
    ريم : شنو يعني متزوجه ؟
    جاسم : انا اللي قاعد اسال لاتردين على سؤالي بسؤال .... فهميني شنو يعني متزوجه ؟ قصدج انخطبتي ؟
    ريم : لا متزوجه
    جاسم : متى تزوجتي ؟ شلون ماقلتي لي ؟ الاسبوعين اللي سافرتيهم كانوا شهر عسل ؟ صح ؟ ريوم فهميني متى تزوجتي .... وين كنت انا ؟ شلون مادريت ؟
    ريم (تبجي ) : انا متزوجه من 5 سنين ...
    جاسم (يصرخ ) : 5 سنين يعني من قبل لا اعرفج ... اياالوصخه الحيوانه 3 سنين تلعبين علي
    ريم : جسوم والله اني احبك والله ان قلبي كان يتقطع لاني كنت اخدعك ... بس خفت اقولك تتركني
    جاسم : يعني كنتي تدرين اني ماراح ارضى و بهدج و هم قصيتي علي .... شلون هنت عليج ... اكيد بهون عليج اذا ريلج هان عليج ومافكرتي بسمعته ولاحشمتيه
    ريم : جسوم انا ماسويت جذي الا لاني مو مرتاحه وكا انت 3 سنين معاي ولامره حسيت اني متزوجه انا وريلي كل واحد بصوب
    جاسم : هذا من خبثج اللي قدرتي تخشين عني 3 سنين ودامج مو مرتاحه ليش ما طلبتي الطلاق ... شمصبرج ؟
    ريم : وعيالي ؟
    جاسم: شنووووووووووو اي عيال عندج عيال بعد ؟
    ريم : عبود ونصور هم عيالي
    جاسم : يعني مو عيال اختج .... (تم ساكت شوي يحاول يستوعب وخلاص ماقدر يصرخ زوود حس انه انهد من داخل .... وبصوت مخنوق ).....تصدقين اني طلعت حمار
    ريم : محشوم ... جسوم والله لو اني احبك والله اني اموت من غيرك
    جاسم : علج الموت بلى علج الموت.......... ريوم انا يايلج البيت طلعي لي الحين
    ريم : شنو ؟
    جاسم : طلعي لي لا والله وبالله لا ادش داخل اذبحج ... لا يهمني ريل ولا ابو ... اصلا لو ريلج يدري عن سواتج هو اللي يذبحج مو انا
    ريم : جاسم واللي يعافيك ... اذكر الله
    جاسم : انتي تعرفين الله يالنجسه .... اقولج انا كاني بالدرب ياي والله ان مالقيتج بره ياويلج

    جاسم راح لبيت ريم وناوي يذبحها كان كلش مو بوعيه ... ريم كانت ميته من الرعب والخرعة ماتدري شتسوي ؟ تخاف تطلع له وهم تخاف تقعد داخل جاسم حييل معصب ومايندرا شنو يفكر فيه او شنو بسوي
    وصل جاسم لبيت ريم وهو مايدري شاللي بباله وبسويه بس اللي يعرفه انه ذابحها ذابحها
    اول ما وصل جاسم البيت والا يشوف برا عبدالله وناصر اللي كان طول هالثلاث سنين يحسب انهم عيال اخت ريم هو مو اول مره يشوفهم بس هالمره لما شافهم حس انها غير كل مره اول مره يحس ان انسان حقير حس ان ظلمهم ... كانوا لابسين هدوم الروضه سرح فيهم ماقطع سرحانه الا زول ريال لابس لبس عسكري كان شايل جناط عياله مالوت المدرسه كان يضحك معاه عبدالله وناصر الجعده ماسك ايده ..... ناصر كان غير عند جاسم هو عرف ريم وناصر عمره سنة جم مره شاله كان يستانس عليه كان صج يحبه ....جم مره ياب لهم هدايا حتى لما كانت توديهم الالعاب كان يروح يشوفها ويقعد بس لما كبروا شوي ريم ماقامت ترضى تشوفه معاهم كانت تخاف يعلمون عليها اختها وهو كان مصدق مادرا ان الخوف كان من ريلها مو من اختها .... كان يحب ريم لانها وايد اداري عيال اختها ...غصب عنه نزلت دمعته ... جاسم : صج اني حمار
    مشى جاسم من غير مايسوي اي شي ريم كسرت تلفونه مارد دزت مسجات جاسم حتى مافكر يقرا المسجات اللي دازتهم كان يمسحهم قبل لا يفتحهم .... دز لها مسج :
    انتي شنو ماكو احساس صج انج وصخه ريلج وعيالج توهم داشين البيت ... ليش داقه اللي بيني وبينج انتهى
    دز جاسم المسج وعلى طول سكر تلفونه ... مارجع البيت ماكان له خلق احد ولاحتى له خلق نفسه كان مقهور كان محتر ... كره ريم وكره نفسه كرهه دنيتا باللي فيها ... تم يدور بالشارع من غير هدف ولاشي
    لينا تعب وراح صفط بالواجهه ..... المغرب حس جاسم بنفسه كان حيل تعبان وذبلان رجع بيتهم ...
    لقى السيايير برة وايد كان ناسي ان الزواره عندهم ... فكر مايدش بس كان تعبان خلاص يبي يدش داره يرتاح .. ماراح الديوانيه دخل على طول الصاله .. امه اول ماشافته ماتت من الخرعه : يمااااااا جاسم شفيك ؟
    جاسم : مافيني
    ام جاسم : وين كنت طول اليوم دقيت عليك وايد جهازك كله مسكر
    جاسم : تاخرت بالدوام ومافي شحن .... يما سوي لي درب بروح داري
    جاسم مر الصاله الثانيه الكل اخترع من شكله كان شكله جنه ميت له ميت ... شيخه تصلبت بمكانها حست انها انشلت اول مرة تشوف جاسم بهالشكل كان ودها تركض له تساله شفيك
    سلم جاسم وصعد فوق ... وقت العش الرياييل كانوا كلهم يسئلون عن جاسم .... جاسم هو احرص العيال عالزواره وان ما ايي هذا شي جايد مو متعودين عليه
    ابو جاسم : وين جاسم ؟
    ام جاسم : تعبان رد من الدوام متاخر يبي يريح
    ابو جاسم : نادوه خل ياكل لاينام وبطنه فاضي واكيد ان الحين ريح ... ساره نادي اخوج ولاتنزلين الاهو معاج

    صعدت سارة حق جاسم حاولت فيه لكن مارضى ... ام جاسم قامت تحاتي الكل قام يحاتي شفيه جاسم ... صعدت ام جاسم فوق ومارضت تنزل الا وجاسم معاها ... جاسم كان ماله خلق شي بس هو يدري ان اذا مانزل بتكبر السالفة وبتظل امه تحن قال يوفر على نفسه عوار الراس وينزل يقعد شوي ... من نزل جاسم شيخه مارفعت عينها عنه جنها كانت تدور بشكله اي شي يقولها شفيه.... اي شي يطمنها .. كان قلبها يتقطع

    حطوا العشا والكل بدا ياكل الا جاسم اللي ماتحرك
    شيخه ( وعيونها مغورقه ... عيونها كانت فاضحتها ): جاسم احط لك شي تاكله ؟
    جاسم : تسلمين
    جاسم تم يطالع شيخه ويقول بقلبه : صج تحبني مادري شلون ماحبيتها ... من كنا صغار وانا ادري انها تحبني بس انا اللي يبت الشقا حق نفسي انا اللي ماقدرت والله حسافه قطع تفكيرة صوت شيخه :
    جاسم يبت لك معكرونه انت تحبها..... تكفى لا تردني
    جاسم (من غير وعي ) : صج حسافه عليج ... ياريتني ماخذج والله مادريت
    شيخه لما سمعت كلام جاسم حست ان قلبها وقف حست برجفه موطبيعيه ... كلام جاسم قلب كيانها
    دمعتها اللي كانت ماسكتها طول الوقت نزلت
    شيخه : شنو ؟
    جاسم : ها لا ولاشي انا رايح داري .... مشكورة
    كلام جاسم طير عقل شيخه ماعرفت تاكل ولاتسولف قامت الافكار تلعب فيها استاذنت من امها وردت البيت ...
    دق فواز شافت شيخه رقم فواز ضاق خلقها حييييييييييل
    شيخه : هلا
    فواز : هلا فيج ... للحين بالزوارة ؟
    شيخه : لا طلعت
    فواز : جنج بسرعة ميشيتي ... اكيد راده البيت عشان تسولفين معاي
    شيخه :-------------------------
    فواز : شيوخ شفيج ؟
    شيخه : مافيني شي
    فواز : علي انا هالكلام صوتج كلش مو طبيعي .. عسى ماشر صار شي
    شيخه : فواز راسي يعورني ... اكلمك وقت ثاني
    فواز (اندقر) : اول ماتوصلين البيت طمنيني عليج .... ناطرج

    شيخه ماكن بالها معاه كان مع جاسم ... الله ستر يومها ومادعمت ... دشت دارها : ياربي والله احس ان مخي بينفجر من التفكير ... شفيه جاسم وشكان يقصد بكلامه ... معقوله ان متحسف علي شنو قصده لما قال ان ماكان يدري .. يمكن ماكان حاس ان يحبني ولما قربت ملجتي وحس اني بصير حق غيره تحسف ... يمكن توه يحس انه يبيني ... وااااي حاسه اني بموت شيخه كان بالها وتفكيرها وروحها مع جاسم ... نست فواز ونست انها مخطوبه كل اللي كانت تفكر فيه كلام جاسم ... رن تلفونها
    فواز : ها شيوخه ... وينج ؟
    شيخه : بداري
    فواز : ليش مادقيتي مو قلت لج اني ناطرج
    شيخه: نسيت
    فواز: شيوخ حبيبتي شفيج ؟
    شيخه : مافيني شي بس راسي يعورني وبنام تكفى فواز خلني بروحي حدي دايخه
    فواز ماحب يصير دعله مع ان كان متاكد ان السالفة مو ان راسها يعورها بس ماحب يضغط عليها :
    نوم العافيه ياقلبي ... بس اذا قعدتي من النوم دقي علي حتى لو الفجر ... تصبحين على خير
    شيخه يومها ماذاقت النوم بس تفكر ماتدري شتسوي تبي تفسير حق كلام جاسم بس منو تكلم حق منو تقول اخر شي قررت انها ادق على ساره
    ساره : شيوخ شفيج داقه هالحزه
    شيخه : شنو نايمه
    ساره : اكيد نايمه انت تدرين جم الساعه الحين الساعه قريب ال 4 الفجر .... شفيج؟
    شيخه : سوير بموت
    ساره : اسم الله عليج ... لايكون تهاوشتي مع فواز ؟
    شيخه : ياريت
    ساره : عيل شنو تكلمي
    شيخه : ساره انا احب جاسم ... وتبجي
    ساره : انتي هبله داقه 4 الفجر تقولين انج تحبين جاسم انا هقيت ان السالفه تسكرت وانج نسيتي موضوع جاسم
    شيخه : والله اني كنت احاول ... الله يشهد اني كنت اكابر وماافكر فيه بس اليوم جاسم قالي شي تعبني وحيرني
    سارة : شقال؟
    شيخه : قالي حسافه عليج ياريتني ماخذج ... وان والله ماكان يدري
    ساره : يدري عن شنو ؟
    شيخه : مادري هذا اللي مينني
    ساره : تهقين ان قصده ماكان يدري ان يحبج وتوه يحس لما حس ان خلاص بتصيرين حق غيره ؟
    شيخه : مادري ... بس هم انا فكرت مثلج
    ساره : كلامه ماله معنى ثاني ... بس اشمعنه تو يحس
    شيخه : يمكن لان من انخطبت ماشافني كنت لاهيه واليوم لما شافني حس انه كان يحبني مثل مااحبه
    ساره : عشان جذي كان ضايق خلقه وشكله تعبان ... يمكن من كثر مايفكر فيج ... بس انا لما قلت له ان فواز بيخطبج ماقال شي بالعكس وايد استانس ومدح فواز
    شيخه : يمكن عباله ان انا ابي فواز ... وماحب ان يخرب علي
    ساره : والله مادري هذه غير سالفه .... احسن اللي يصير فيه اذا صج توه يحس انه يحبج زين اللي قاعد يصير فيه عشان ما يكابر مره ثانيه
    شيخه : حرااام عليج ... شفتي شكله اليوم شلون كان ... والله قلبي كان يتقطع ياليت اللي فيه فيني ولا اشوفه جذي ............... امبي سوير
    ساره : شفيج تصرخين ويعه خرعتيني
    شيخه : فواز قاعد يدق خط ثاني انا قايله له اني بنام شبقوله الحين ؟
    ساره : واااااااي هال جسوم ماوراه الا الغثا والهم ... قولي اكلم بنت عمي عادي
    شيخه : ماكو شغل اكلم بنت عمي الفجر
    ساره : والله علمي نفسج ... قوليله واذا ماصدق شبكيني
    شيخه : ياربي والله خايفه
    ساره : واللي يعافيج شبسوي .
    شيخه : اخاف يزعل .... يلا باي خل ادق عليه
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:51 pm

    دقت شيخه على فواز ..... فواز كان شاب ضو : الو
    شيخه : هلا فواز
    فواز : هلا فيج ... من تكلمين هالحزه .؟ مو قايله انج بتنامين
    شيخه : كنت اكلم ساره بنت عمي ... ماقدرت انام من عوار راسي
    فواز : اخذي بندول ونامي
    شيخه : انت زعلان ... اذا تبي الحين اذق عليها اشبكك معاها عشان تصدق اني كنت اكلمها
    فواز : امن غير مادقين مصدقج ... شيوخ انا لو ماعندي ثقه فيج جان ماتميت معاج ... انا اللي ضايقني انج سكرتيه على اساس انج بتنامين وكنتي تعبانه وطول الوقت ماقدرت انام احاتيج ولما ادق القاه خط ثاني كلش ماحبيت الحركه
    شيخه : معاك اسفه ماكان قصدي اضايقك
    فواز : خلاص مثل ماقلتلج اخذي بندول ونامي ريحي شوي وانا هم بريح

    اليوم الثاني قعدت شيخه راسها حده يعورها من كثر البجي والتفكير قعدت بدارها ما طلعت حتى تتغدا كان فواز داز مسج يسال عنها بس هي راح عن بالها انها ترد عالمسج ... العصر دق فواز : قوه
    شيخه (صوتها تعبان ) : الله يقويك ... هلا
    فواز : شلونج
    شيخه : تمام
    فواز نطر تقول شلونك بس ماتكلمت: مو جنج ناسيه شي ؟
    شيخه : شنو ؟
    فواز: ماقلتي لي شلونك ؟
    شيخه : اي نسيت
    فواز : شيوخه شفيج ... احد مضايقج ؟ فيج شي ؟
    شيخه : لا
    فواز : انا قلت لج شي زعلج ترا مرات يفلت الكلام مني من غير مااحس
    شيخه : فواز قلت لك تعيانه
    فواز : انزين شرايج تمريني المستشفى افحصج او اسوي لج تحاليل
    شيخه : ماله داعي بس عندي صداع وبيروح .... خلاص انا اكلمك تالي

    فواز استغرب حال شيخه وايد كانت ناشفه ومتضايقه كان حالها كلش مو طبيعي .... ساره دقت على شيخه تشوف حالها عقب امس
    شيخه : ساروه تعالي بيتنا
    ساره : سيارتي باسيرفس والسايق طالع مع امي انتي تعالي البيت فاضي
    شيخه : مالي خلق والله تعبانه ومابي اقعد بروحي احس اني بين
    ساره : لاتصيرين ماصخه .. يلا انا ناطرتج
    راحت شيخه دارها لبست تريننغ وركبت سيارتها والا مسج من فواز :
    Shayo5ty wallah ma at7amel ashofej jethy … mako shay yestahel tkadreen 5a6rej 3ashanah
    شيخه وايد ضاق خلقها من المسج حست احساس خايس شلون فواز قاعد يعاملها وهي تفكر بغيره
    دقت عليه : هلا فواز
    فواز : هلا بشيوختي
    شيخه : وينك؟
    فواز : بالجمعيه ياي اشتري جم شغله .... امري تبين شي
    شيخه : سلامتك انا بروح بيت عمي عبدالرحمن
    فواز : الحين انتي راسج يعورج وبتموتين شمطلعج ؟
    شيخه : مليت من القعده بروحي .. بعدين اسم الله علي من الموت ليش تفاول
    فواز : شفيج عصبتي جذي ... ترا حده ماله داعي تتنرفزين ............................ شيوخ انتي عليج العاده ؟
    شيخه (معصبه ): اي شي صح
    فواز : شدراني انا قلت يمكن يايتج وهرموناتج معتفسه عشان جذي صايره نار
    شيخه : خلاص اخليك وصلت بيت عمي

    نزلت شيخه من سيارتها والا بطلعة جاسم كان شكله احسن من امس ... شيخه : شلونك جاسم ؟
    جاسم : هلا شيخه ...تمام انتي شلونج ؟
    شيخه : بخير
    جاسم : شلون فواز ؟
    شيخه : تمام
    جاسم : شيخه ترا اسف عالكلام اللي امس ماكنت حاس بنفسي
    شيخه : جاسم عليك الله قولي انت ليش قلت جذي
    جاسم : قلته لانه الصج
    شيخه : الصج انك متحسف علي
    جاسم: الصج اني ضيعتج مني وماقدرت انج تحبيني .... بس الحين خلاص ماكو فايده كلها جم اسبوع وتملجين
    شيخه : ماني مالجه!!!!!!!!!!!!!!!!!!!!!!!!!!!!!!!!!
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:51 pm

    البارت التاسع :


    شيخه : ماني مالجه !!!!
    جاسم : شنو يعني منتي مالجه ؟
    شيخه : جاسم انا طول عمري ماحبيت الا انت وماكنت افكر بغيرك ...
    جاسم: وفواز ؟
    شيخه : مادري والله مادري شسوي ... انا صج مع فواز بس كل تفكيري معاك مااقدر اكون مع واحد وانا بالي مع شخص ثاني ... شيخة ماحست بعمرها وبكلامها يتها جراه مو طبيعيه حتى جاسم استغرب من جرأتها ... بس هي ماكانت مستعده تخسره .
    جاسم : شيخه باجر تنسيني ... فواز هو نصيبج ... ومثل ماقلت لج انا اسف على كلامي ماكنت ابي اخرب عليج

    مشى جاسم عن شيخه وخلاها وهي دموعها على خدها ... تمت مكانها مو قادره تتحرك دقت عليها ساره : شيوخ انتي وين ... طولتي ؟
    شيخه : انا برا
    ساره : شيوخ .... شفيج ؟
    شيخه : -------- تبجي
    ساره : شفييييج دشي داخل ناطرتج ....
    شيخه دشت داخل واول ماشافت ساره لمتها وقعدت تبجي ..... ساره : شيوخ شفيج ... وقفتي قلبي
    شيجه : ابي جاسم
    ساره : ويييييييييييييييه انتي للحين ؟
    شيخه : ساره شسوي والله احبه والله مااقدر انساه
    ساره : انزين خلاص انتي بتتزوجين
    شيخه : ماني متزوجه
    ساره : شنو انتي انهبلتي ..... اي شي صح
    رن تلفون شيخه المتصل كان فواز : شيخه وهي تبجي : ماني راده .... مابي ارد
    ساره : لمتى من انتي راده ... شيوخ عقلي ترا فواز مايتعوض .... والله ان ابرك من جسوم ... شيوخ جسوم اخوي واعرفه ترا والله ماراح يهنيج مثل فواز .... اكبر دليل ان لما حس ان خلاص بتصيرين حق غيره انتبه لج ... شيوخ تعوذي من ابليس ترا والله تتحسفين
    شيخه : مااقدر احبه ... ساروة انا من وعيت عالدنيا مااشوف غيره .... احب اللي هو يحبه ... صعب انساه انا ماصدقت ان يحس فيني
    ساره : صج هبله ... كيفج باجر تتحسفين ... بس فواز شبتسوين معاه .. شبتقولين له ؟
    شيخه : مادري والله مو عارفه
    ساره : تدرين ان خالتي ام خالد اذا درت يمكن تذبحج ... خالتي تموت على فواز ... اكيد ماراح ترضى

    دق فواز اكثر من مره شيخه ماردت عليه ماكانت عارفه شتسوي ... لما ردت البيت دقت عليه : الو
    فواز(يصرخ ) : وينج ؟ وين كنتي ما تردين ؟
    شيخه : شفيك تصرخ ؟ كنت ببيت عمي انا قايله لك
    فواز : وليش ماتردين ؟ تدرين جم مره داق عليج انا ... تدرين اني ييت لبيتكم اشوفج رديتي او لا .... هقيت ان صاير فيج شي
    شيخه : كنت بعيده عن التلفون مادريت عنه.... قامت تبجي من اللي فيها
    فواز : شيوخه ماقصدت اني اصرخ عليج بس والله لو ماخوفي عليج جان ماعصبت وحتريت هالكثر .... خلاص حبيبتي لا تبجين ... خلاص شيوخه حبيبتي انتي
    شيخه : فواز خلني الحين
    فواز : ماني مخليج وانتي جذي ماني مسكرة وانتي تبجين
    شيخه : خلاص مافيني شي
    فواز : انزين قولي لي انتي شيوخة منو ؟
    شيخه : فواز واللي يعافيك ترا مالي خلق
    فواز : شيوخ كلميني شفيج .... انتي من امس مو طبيعيه منتي شيخه اللي اعرفها ..... قوليلي شفيج ؟
    شيخه : قلت لك مافيني شي
    فواز : يابنت الناس لا تعبيني معاج ... تكلمي من امس وانا بالي مشغول عليج
    شيخه ماتكلمت مل فواز من الحنه وسكره تم باله مشغول حييل : البنت شفيها حالها قلب جذي حتى كلامها متغير .... وكلش مالها خلقي ... شكله صاير لها شي جايد وماتبي تتكلم .... انا ماكو الا اروح لها البيت ... اروح البيت شقول لاهلها شلون بدش ..فشله اروح اقول حق اهلها بقعد مع بنتكم ... شالعذر اللي اقوله

    جاسم قاعد يشوف تلفزيون بالصاله دشت عليه ساره : شلونك جاسم ؟
    جاسم : تمام
    ساره : جسوم ... عسى ماشر شفيك هذاك اليوم كان شكلك حيييل تعبان
    جاسم : كنت تعبان من الدوام
    ساره : بس ؟
    جاسم : اي بس
    ساره : جسوم شالكلام اللي قلته حق شيخه ؟
    جاسم : بل.... مسرع ماقالت لج
    ساره : وليش ماتقولي انشالله .... ليش قلت لها جذي انت ماتدري انها انخطبت وبتملج
    جاسم : انا تعذرت لها وقلت لها اني ماكنت اقصد شي ....كنت تعبان واخوره .. وقلت لها تنسى الموضوع
    ساره : تنسى الموضوع ..... انت خربت عالبنت تدري انها بتفسخ الخطبه
    جاسم : اي شي صح
    ساره : لامو اي شي ..... البنت امس زين ما ماتت من البجي ومارضت ترد على فواز وتقول انها بتنفصل عنه يعني بتشب نار ببيت عمي بو خالد
    جاسم : شدعوة نار؟
    ساره : انت نسيت ان فواز يصير ولد خالة فيصل ريل نوره .... يعني اكيد ان نورة بتتمشكل مع فيصل وحمولتها ... اكيد بصير حزازيات
    جاسم : خلاص عيل ماله داعي تفسخ خطبتها
    ساره : يابرودك .... انت شنو ؟ والكلام اللي قلته لها هي كانت مرتاحه وانت خربت عليها
    جاسم : لا تبلشيني وتركبيني الغلط انا ماقلت لها فسخي خطوبتج عالولد ولا قلت لها شي كل اللي قلته جمله من غير قصد واعتذرت عنها ... كنت تعبان ومادري شقاعد اقول
    ساره : لا حشى انت مو طبيعي ... صج ماكو احساس
    جاسم : سوييييييييييييير ثمني كلامج وعن الغلط لا اعطيج كف يطير ويهج .... والله انتوا البنات اللي ماكو احساس وحده تكلم على ريلها وتخونه .. والثانيه مخطوبه حق واحد وتفكر بغيره لا وبعد بتفسخ خطبتها ...

    ساره انصدمت من كلام جاسم مافهمت شكان يقصد دقت على شيخه .... شيخه ماكانت ترد... مو بس ساره اللي ماكانت ترد عليها شيخه حتى فواز دق على شيخه اكثر من مره بس ماكان في رد منها


    طلع فواز من بيتهم مر محل حلو شرا حلو قهوة وكيك وفطاير وراح بيت اهل شيخه .... رن الجرس
    الخدامه :yes sir
    فواز : can u caLL madam ?
    فواز ماحدد منو يبي كان يتمنى ان شيخه اللي تطلع له ... بس مو كل شي نبيه يصير اللي طلعت له ام خالد : هلا فواز ... هلا الغالي ... حياك يما
    فواز : الله يحيج خالتي ... اسف عالازعاج
    ام خالد : ما من ازعاج ... البيت بيتك
    دخلت ام خالد فواز الاستقبال : ياحيالله من يانا
    فواز يمد الجياس تفضلي خالتي
    ام خالد : ويييييييي ليش مكلف على حالك والله ماله داعي
    فواز : مامن كلافه خالتي .... كنت رايح اشتري حق بيتنا وتنقصت لكم معاي ... عاد سامحوني عالقصور
    ام خالد : مامن قصور
    فواز ( وهو مفتشل ) : عيل شيخه وين ؟
    ام خالد : فوق بدارها .. صارلها جم يوم حالها معتفس
    فواز : اي ..سلامتها ما تشوف شر
    حست ام خالد ان فواز يبي شيخه : اقول فواز شرايك تقعد عندنا شوي بو خالد مو مطول على مايرجع ... تقعد تشرب شاي معانا وناكل الفطاير والحلو
    فواز : ماودي اثقل عليكم
    ام خالد: لا تثقل ولا شي انت راعي بيت .... خلني اروح حق الخدامه تسوي شاي وقهوة واناديلك شيخه
    فواز حده استهل لما ام خالد قالت ان بتنادي له شيخه .... صعدت ام خالد حق شيخه تقولها شيخه حدها انصدمت لما درت ان فواز تحت : ماقال لي ان بيي
    ام خالد : يمكن بسوي لج مفاجاة .... بسرعه لبسي ونزلي ... حطي شوية مكياج لاتنزلين جذي ويهج اصفر
    شيخه حطت مكياج خفيف حيل ولبست تريننغ بنسجي غامج ولفه بيج وحطت سلسله ذهبيه
    ...
    دشت شيخه الصاله واول مادشت فز لها فواز وهو يبتسم : هلا شيخه ... شلونج ؟
    شيخه : هلا فيك ... بخير
    قعدت شيخه ساكته وام خالد تسولف مع فواز .... وكل شوي فواز يطالع صوب شيخه .. ام خالد : فواز يماا اعذرني انا شوي وبرجع تذكرت شغله لازم اسويها شوي ويايه ... شيوخ صبي حق فواز شاي وحطيله شي ياكله على ماارد..... ام خالد ماكان عندها شي بس حست ان فواز يبي شيخه بروحها قالت تخليهم شوي وترجع
    فواز : شيخه ... شفيج ؟
    شيخه : سلامة عمرك مافيني
    فواز : شيخه انا مو معرض ويهي وياي لكم عشان تقولين لي مافيني شي .... شيوخ ريحيني الله يريحج ... ترا والله حالي اعتفس منج وبس احاتي ماعاد فيني اعصاب ... يا بنت الناس تكلمي شفيج .... ترا ماني ماشي الا لما اعرف السالفه ... انتي في احد مزعلج ... متناجره ويا احد
    شيخه : لا
    فواز : انا مقصر معاج بشي ... مضايقج بشي ؟
    شيخه : لا مو جذي السالفه
    فواز : دام قلتي لا مو جذي ... يعني قصدج ان لي يد باللي انتي فيه
    شيخه --------------
    فواز : سمعي هذي اخر مره اكلمج وتحقرين ترا جد بديت اطفر ... قاعد اكلمج ردي علي
    شيخه : مادري شقول ؟
    فواز : قولي اللي بخاطرج ... لاتخشين علي شي .... ريحيني وارتاحي
    شيخه ( تبجي ) : فواز الله يخليك لا تفهمني غلط ... بس انا ماني مرتاحه
    فواز : شنو يعني منتي مرتاحه ... شاللي مو مريحج ... انا ادري اني مرات اخذ راحتي بالكلام بس والله مايكون قصدي شي ولا اني ابي اقلل من قدرج ...
    شيخه : فواز انا ابي ننفصل
    فواز : ننفصل ... ليش ؟ ترا اذا في شي كل شي يتصلح ... اذا ودج نطول بالخطبه عشان تعرفيني عدل ماعندي مشكله نطولها كثر ماتبين
    شيخه : فواز لا انا ابي ننفصل انا من الاساس ما كنت ابي ننخطب
    فواز : وليش وافقتي عيل دام ماتبين
    شيخه : امي غصبتني
    فواز ( طلعت عينه ) : شنو امج غاصبتج ؟؟؟؟؟؟ (حس فواز ان صج كرامته انجرحت حييل كبيره بحقه انه يحس ان شيخه مغصوبه عليه .... خلاص شيخه لج اللي تبين ... انا بمشي سلمي على خالتي
    شيخه : فواز انطر
    فواز : قلت لج انا ماشي
    طلع فواز وشيخه صعدت دارها تبجي ... دقت الخدامه عليها الباب : madam want u
    شيخه ماتت من الخرعه ماتدرين شتقول حق امها عن فواز ... غسلت ويها و نزلت شيخه تحت
    ام خالد: شيوخ وين فواز ... ليش مشى ؟
    شيخه : مادري ...
    ام خالد: شنو ماتدرين يعني ؟
    شيخه : يمكن عند شغل ... قالي بيمشي وبس
    ام خالد : شيوخ تحجي عدل شسالفتكم .... فيكم شي ؟
    شيخه : لا يما ... انا بروح داري بنام شوي
    ام خالد (تتحلطم ) : خستي نوم …..عفنتي

    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:52 pm

    اليوم الثاني دقت نوريه ام فواز على ام خالد : هلا ام خالد .... شلونج ؟
    ام خالد : هلا بالغاليه ام الغالي
    نوريه : يابعد قلبي والله .... والله حدي مستحيه منج ومفتشله
    ام خالد: خلي الحيا عنج .... احنا اهل مابينا حيا
    نوريه : والله ياام خالد اني اعدج اخت ولوما اني احبج واغليج جان ماخطبت بنتج لولدي ... بس والله ماباليد حيله وحلفتج لا تزعلين مني
    ام خالد: نوريه شفيج .... خرعتيني .. شسالفه ؟
    نوريه : فواز يبي يفل الخطبه .. يقول ان هو وشيخه مو متفاهمين
    ام خالد: مو متفاهمين على شنو .؟؟ شاللي صاير ؟
    نوريه : والله مادري مو راضي يتكلم ... حاولت اتفاهم معاه اكلمه بس كلش مو راضي وراكب راسه .... هذي اكيد عين ما صلت عالنبي ... سامحيني يا ام خالد
    ام خالد : اسامحج على شنو .... محد ياخذ الا نصيبه والله يعوضهم هم الاثنين ... والله يرزقه ببنت الحلال
    نوريه : والله انج اصيله ... تسامحيلي من شيخه ... وانشالله الله يرزقها باللي احسن من فواز
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:52 pm

    البارت العاشر :

    تكدر خاطر ام خالد حيل من مكالمة نوريه ... ضاق خلقها على بنتها وحدها كانت منصدمه ومستغربه توه فواز كان عندهم وماكان فيه شي شاللي غيره وخلاه يعوف شيخه .... احتارت ام خالد بالسالفه واحتارت شبتقول حق شيخه كان قلبها يعورها على بنتها ... كانت تحسب ان فواز هو اللي مايبي شيخه مادرت ان العكس ....
    شيخه لمادرت ان فواز فل الخطبه حدها انصدمت شلون بهالسهوله يفلها من غير ماحتى يحاول يتفاهم كانت تحس ان فواز متعلق فيها ... كانت تهقى ان عالاقل بخليها جم يوم تالي يكلمها او ان يسوي مشاكل ...........
    فواز قرر ان ينسحب من حياة شيخه بكل سهوله كان يقدر يتحمل اي شي الا احساسه انه ان البنت انغصبت عليه وانها ما وافقت برضاها ..... فواز انكسر خاطره من شيخه حس بخيبة امل كانت حيل عاجبته وحيل مرتاح معاها واللي كان محيره شاللي غيرها عليه ماكانت جذي انشغل بال فواز من شيخه وماعرف يرتاح وشيخه منشغل بالها حاسه انها ظلمت فواز واجرحته وبنفس الوقت مستانسه ان جاسم يبيها بس مو عارفه شالخطوه اليايه.

    انتشر خبر فسخ خطبة شيخه بالعايله الكل استغرب من هالخبر فواز الكل يتمناه وشيخه ما تنعاب وكان يبين انهم مرتاحيين الكل ماكان يدري شالسبب ..... نوره لما سمعت الخبر من امها وايد تضايقت واحترت على اختها ... وطلعت حرتها بريلها فيصل اللي ماكان بدري عن شي ... كان قاعد يلعب مع عياله بالصاله .

    نوره : فيصل ... شنو هذا اللي سواه فواز ؟
    فيصل (مستغرب) : شفيج تصرخين ... شمسوي فواز؟
    نوره : تدري ان فل الخطبه ؟
    فيصل : من صجج متى ؟
    نوره : تسوي روحك ماتدري .... اكيد كنت عارف وخاش عني
    فيصل : حشى والله ماكنت ادري ولا حتى ياب لي طاري ... انزين شالسبب ؟ ليش فل ؟
    نوره : مادري
    فيصل : شنو ماتدرين ... اختج ماقالت لج شي
    نوره : انا ماكلمت شيخه ... امي اللي بلغتني ... تلقى اختي ضايق خلقها ومقهوره ... عقب ماجهزت وكل الناس دروا فل الخطبه
    فيصل : الله يعوضها انشالله
    نوره : اكيد مو هامك لو ان شيوخ هي اللي فاله الخطبه جان قلبت حياتي جهنم
    فيصل : نوره انجعمي وقلبي ويهج لا صج اقلب حياتج جهنم.... فلوا والا قعدوا شتبين اسوي انا
    نوره : احنا غلطانين من الاساس ان وافقنه عليه عاد من الاول مبين انه غثيث
    فيصل : نوير جب والا والله لا اقوم اكسرج ... ذلفي داخل مابي اشوف ويهج


    ساره اول ماسمعت الخبر دقت على شيخه : شيوخ صج اللي سمعته ؟
    شيخه : اي صج
    ساره : انتي غبيه والا شسالفتج من صجج ....
    شيخه : جاسم درا ؟
    ساره : انا شدراني عنه درا او لا ... خليه يولي وكلميني ... شيوخ ليش سويتي جذي والله فواز ماكو منه ...
    شيخه : ساره كل شي نصيب
    ساره : شيوخ قومي اكلي بندول والا شربي كلوركس خنوديج المستشفى حق فواز يمكن تكسرين خاطرة ويرجع لج
    شيخه : اي شي صح قالولج هبله
    ساره : وليش اللي سويته مو هبال ؟
    دش جاسم الصاله والا يلقى ساره تكلم شيخه .... قعد يمها يبي يعرف شقولون ... ساره : شيوخ شوي واكلمج .. باي
    جاسم : صج فواز فسخ الخطبه ؟
    ساره : اي
    جاسم : ليش شاللي صار ؟
    ساره : اسال نفسك
    جاسم : يعني مو فواز اللي فسخ الخطبه ... شيخه اللي فسختها
    ساره : مادري
    جاسم : سوير شفيج علي ... ليش صايره نفسيه ؟
    ساره : مافيني شي
    جاسم : سوير ترا انتي اختي ومالي اخت الا انتي مااحب انج تزعلين علي .... ترا والله ماكنت ابي اخرب عليها ولاشي بس كل اللي السالفه اني تحسفت ان في بنت مثل شيخه طول عمرها تحبني وتفكر فيني وانا ماقدرت هالشي ولا حسيت فيها ..
    ساره : جاسم انت اخوي انا مااكرهك بالعكس احبك حيل بس اللي يضايقني ان في وايد مواقف احس انك تكون فيها اناني وماتفكر الا بنفسك .... يعني حتى لو انك تحسفت على شيخه جان حطيت هالشي بقلبك ومابينت
    جاسم : خلاص اللي صار صار وانشالله الله يعوضهم .... وشيخه الف واحد يتمناها
    ساره : نعم .... انت شتقول انت مو ناوي تاخذها ؟
    جاسم : مادري مافكرت
    ساره : انت تبي تجلطني والا شنو ؟ .... مو تقول انك متحسف عليها
    جاسم : اي بس انا عمري مافكرت فيها الا كاخت اصلا ماكو اي مشاعر لها ..ما اتخيل انها تصير زوجتي
    ساره : عيل شكو تتكلم وتخرب عالبنت ؟
    جاسم : انا اللي كنت اقصده اني متحسف ان كان في بنت تحبني وادور رضاي وماحسيت فيها
    ساره : تصدق انك ماتستاهل شيوخ
    جاسم : اوووووووووووووووو زهقتيني انا اخوج والا هي اختج
    ساره : والله ياجاسم ان ماخطبت شيوخ والله اني ازعل عليك طول عمري

    طلع جاسم متنرفز من عند ساره ركب سيارته : اشفيها هذي غصب احبها يعني .... والله ماافكر فيها غير انها اختي ... شلون تصير زوجتي ... وووووووووووووووووووع حتى خيال مو قادر ..سرح جاسم وذكر ريم .... ريوم شحالج الحين ؟ حدج ماصدقتي افل منج اللي حتى مسج ماكو ... رن تلفون جاسم والا اللي داقه ريم ... جاسم : لو طالب مليون احسن
    احتار يرد او ما يرد هو حده مشتاق لها ... بس مايقدر يكلمها هي متزوجه .. قام يشوف رقمها : والله ابيج بس مااقدر ارد ... ريم تمت ادق لينا فصل ... دزت له مسج :
    Wallah eshtagt lek wallah eni a7bek ….. ta3bt mn '3eerek
    ريم دزت له اكثر من مسج مسجات تترجى فيها ومسجات دلع وحب ... اول ما رن تلفونه رد : نعم ؟
    ريم : اخيرا رديت والله حرام عليك اللي تسويه فيني
    جاسم :ليش شسويت .......قلتلج احبج وتالي طلعت متزوج
    ريم : جاسم والله اني كنت خايفه اقولك ... حبيبي والله ماافكر بغيرك لاتصير قاسي جذي
    جاسم : سمعي يابنت الناس ... انا قلت لج من قبل لاتخليني اشوف رقمج مره ثانيه ... ليش داقه الحين
    ريم : موقادره اعيش من غيرك ... مو قادره افكر بشي غيرك
    جاسم من داخله كان مستانس ان قاعد يسمع هالكلام من ريم كان متعود ان هو اللي دايم يبين مشاعره الحين الوضع تغير صاير هو اللي موقفه صار قوي ........ كان مخليها تتكلم من غير مايقاطعها .. كان كلامها يرضي غروره
    جاسم : ريم لوسمحتي لا ادقين انا ريال خاطب الحيين وكلها شهر او اثنين واملج
    ريم هي تبجي : شنو ؟ انت جذاب انت تقص علي
    جاسم : شكو اقص عليج ... شبيني وبينج اللي بينا انتهى
    ريم : مااصدقك انت تبي تحرني
    جاسم : قلتلج خطبت ... فهمي عاد
    ريم : اذا انت صاج قولي شسم اللي خاطبها ؟
    جاسم : انا خطبت شيخه بنت عمي ... خوش بنت ومني وفيني لا فوق هذا تحبني موت


    __________________



    جاسم ماكان بباله ان يخطب شيخه بس اتصال ريم هو اللي خلاه يفكر بهالشي ... ولما فكر فيه عدل عجبته الفكره ... ليش لا شيخه حلوه وتحبني وعارفها عدل ... رجع جاسم البيت راح عند ساره : شلونج سارونه ؟
    ساره ( بنفس ) : هلا
    جاسم : يعني زعلانه ؟
    ساره :----------
    جاسم : تهقين اذا خطبت شيوخ الحين توافق ؟
    ساره (نقزت من مكانها ) : من صجك؟
    جاسم : كلش ولازعلج
    ساره : لا يبا اذا انت ماتبيها لا تاخذها هذا زواج مو لعب
    جاسم : ادري انه زواج مو لعب .. بس انا فكرت ولقيت اني ماراح القى احسن من شيخه
    جاسم كلم امه ... ام جاسم حيل استانست لانها تحب شيخه بس قالت حق جاسم ان البنت توها فاله مو حلوه يخطبونها على طول خل ينطرون شوي وتالي تخطبها ...ساره دقت على شيوخ تبشرها
    ساره : شيوخ عندي لج خبر يسوا مليون !!!
    شيخه : شنو ؟
    ساره : جسوم بيخطبج
    شيخه : حلفي هو قالج ؟
    ساره : اي وبس جذي حتى كلم امي ... بس امي قالت خل ننطر شوي ونخطبج
    شيخه : ليييييييييييييييش ؟
    ساره : بسم الله توج فاله من فواز خل يطوف وقت شوي

    عقب ما طاف اكثر من شهر على فسخ خطوبة شيخه وفواز ... اخطبت ام جاسم شيخه ... الكل استانس ام خالد حست ان الله عوض بنتها خيير ... العايله كلها اشتطت على موضوع زواج شيخه ... ام جاسم كانت طايره من الفرح ان ولدها البجر بيتزوج ... والكل حايس يجهز حق الملجه ... جاسم قال حق اهله ان يبي يملج بسرعه ومايبي عرس لانه مايحب اللويه والحوسه ... ام جاسم وام خالد وايد تضايقوا لانه مايبي عرس فقالوا بسوون ملجه كبيره واتفق جاسم مع شيخه ان يوم الملجه تسكن عنده ... اهل جاسم ماكانوا مزهبين له دور ببيتهم فقرروا ان ياجر على مايخلص بنيان وتضبيط البيت ... خذا جاسم وشيخه شقه عالبحر شيخه كانت تحسب ان جاسم مستعيل لانه يبيها يمه باسرع وقت ... اما اللي ببال جاسم كان شي ثاني .......
    شيخه : ساروه يوم الملجه انتي اللي بتروجين معاي الصالون ؟
    ساره : لا مابي ... ابي اكون بالحفله من اولها لا اخرها ... ملجة اخوي هذي
    شيخه : سوير يعني منو يروح معاي .... نورة مالها خلق وصايره اعصاب ... ان راحت معاي بتعورلي راسي حنه وبتقعد تتهاوش مع الكل .
    ساره : اوووووووووووو .... الحين انا شاريه بدله سعرها قريب الالفين عشان اقعد بالصالون
    شيخه : شدعوه بالفين ؟ انا اللي اسمي العروس بدلتي 3400 انتي بدلتج ب 2000
    ساره : هذي ملجة اخوي وبنت عمي يعني لازم بدلتي تكون توب .... شيوخ عندي فكره شرايج انييب اللي تحط لج مكياج وتسوي شعرج للبيت ونقول ان ندفع لها زياده ونخليها تحط لج وتحط لي ... والله احسن من روحة الصالون ... جذي اكون انا بالحفله وكل شوي اطل عيج واذا تبين شي بس ادقين اصعد لج
    شيخه : خلاص خوش .... خل ادق اكلم الصالون
    شيخه كانت وايد مشتطه ومستانسه كانت الدنيا مو سايعتها من الفرحه .... ولاهية بتجهيزات الملجه

    اما جاسم كان لاهي بشي ثاني ... كان مرة يرد على اتصال ريم ومرة مايرد كان مستانس ان يلعب باعصابها
    جاسم : ريوم الف مره اقولج لا ادقين
    ريم : جسوم انت تحبني مااصدق انك قدرت تنساني
    جاسم : لا قدرت ... ترا ملجتي الخميس لايكون اشوف رقمج مابي ازعل زوجتي
    ريم : شنو تخاف منها
    جاسم : لا اخاف على زعلها



    يوم الملجه الليتات زينت بيت بوجاسم واحواض الورد والزرع موزعه بالحوش وعند المدخل وريحة البخور تارسه البيت .... الحفله كانت بسرداب البيت اللي صبغوه ورتبوه حق الحفله ... اهل جاسم يابوا نصممه تصمم ديكورات الحفله ... الكوشه كانت حده تينن وكلها ورد ابيض ... شيخه كان شكلها وايد حلو وراقي ... كانت بدلتها سكريه كوكتيل التوب دانتيل ضيج ومن عند الخصر تصير كلوش ولها ذيل ورافعه شعرها ماكانت لابسه طرحه ... ام شيخه اول ماشافت بنتها بنفنوفها دمعة عينها ... ام خالد : مبروك حبيتي الله يتمم عليج .... واااااااي شيوخ مو مصدقه انج بتروحين عني
    شيخه : يمااا واللي يعافيج لا تبجين والله ابجي
    نوره : وييييييييه قلبتوها مناحه ... شيوخ لا تبجين ترا اللي حطت لج مكياج مشت ... يعني اذا ساح كحلج حده بيخترب شكلج
    نوره كان شكلها وايد حلو والحمال كلش ماخرب عليها ... كانت لابسه بدله زيتيه غامجه فيها قصه تحت الصدر وخامتها طايحه .... اما ساره كانت حدها زوغه كانت لابسه نفنوف ذهبي بسيلفر ومسويه شعرها روماني

    دشت شيخه على اغنيه هب السعد .... كانت حدها مستانسه اخيرا بتاخذ الانسان الوحيد اللي حبته ... اول مادخلت الصاله وشافت بنات عمها و امها ونوره وساره وام جاسم واقفين لها عند الكوشه نزلت دموعها غصب
    بنات عمها كانوا فرحانين فيها حيل ... ساره ماخلت اغنيه مارقصت عليها ... وشيخه كانت مستانسها فيها قربت دشة الرياييل والحريم تغطوا ... الرياييل واقفين برا ينطرون متى يدشون ....

    جاسم كان واقف برا مع ربعه وعيال عمه وخواله كانوا كثار قريب الاربعين واحد
    صقر : مبروك بو محمد
    جاسم : الله يبارك فيك ... الفال لك
    صقر : عن قريب انشالله
    جاسم : شكلك ناوي
    صقر : هي النيه من زمان موجوده ... بس انشالله اخلص جامعه واخطب على طول
    جاسم : الله يتمم
    صقر : عاد خشلي بشتك اخذا حق ملجتي
    جاسم : افا عليك البشت وراعيه تحت امرك
    صقر : لا البشت بس يكفي
    دقت ام جاسم على بو جاسم عشان يدخلون اول ما يسمعون الموسيقى ... جاسم مسك تلفونه ودز مسج : ana bdsh al7een la edegeeen wala edezeen msg …….. akalmej bajer
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:54 pm

    البارت ال 11 :
    دخل جاسم الملجه كان شكله وايد حلو كان مسوي قفل يعني نيو لوك وهو اصلا جميل جاسم من اجمل عيال العايله وتبارك الرحمن طوله وايد حلو وهو كان يدري ان حلو عشان جذي شوي شايف عمره .. البنات بالحفله طارت عينهم عليه وعلى صقر اللي كان حده زقرتي بالغتره .... دشوا الرياييل وصلوا المعرس للكوشه وقامو يسلمون عليه تالي طلعوا مابقى الا اخوان شيخه خالد وصقر وابوها وعمامها .... شالت ام جاسم الغطا عن شيخه جاسم عيونه طلعت من مكانها هو اول مره يشوف شيخه من غير حجاب ولابسه عاري جذي ... شيخه مارفعت راسها كانت حدها منحرجه من ابوها وعمها سلموا عليها وصوروا مع المعاريس ,,, اول ماطلعوا الرياييل من الصاله ... ساره تركض حق عمها بوخالد وكانت لابسه جاكيت فوق نفنوفها لان عاري : عمي حمد
    بوخالد(حمد): هلا سارة هلا بنيتي
    ساره (تبوس راس عمها ) : عالبركه عمي ... انشالله تفرح بعيال شيخه.. سامحني ماسلمت عليك داخل امي كانت مطرشتني
    بوخالد: انشالله افرح فيج ... ماقصرتي يبا .... مشى بوخالد.. لفت ساره بتروح السرداب
    ساره (تصرخ ): واي يما .... انت من وين طلعت ؟
    صقر : بطتي طبله اذوني ... حشى وصواصه مو بنت ... شدعوه تصرخين شايفه يني ؟
    ساره : لا بس خرعتني .... مادري انك وراي
    صقر : من طيارتج
    صقر : ولج انشالله يارب
    ساره : لا انا مابي تو الناس علي
    صقر : مو مايصير الفال لي ومايكون لج ... لازم يصير حقنا احنا الاثنين
    ساره : اشمعنا
    صقر : تصدقين انا كنت دايم شاك ان مستوى الذكاء عندج نازل بس الحين تاكدت
    ساره : شكو ... لا تملق
    صقر : امانه مافهمتي شقصد ؟
    ساره : لا والله مافهمت
    صقر ( ياشر بايده جنه استاذ ) : اقولج ان اذا صار فالي لازم يكون مع فالج يعني فالنا احنا الاثنين مع بعض ... يعني اذا قلت ابي اتزوج وانتي قلتي لا تو الناس علي ماراح اتزوج بس اذا انتي قلتي اي... راح اتزوج ...DO U UNDER STAND ?
    ساره حدها حست باحراج مو طبيعي هي عمرها ماحست ان صقر يبيها او يفكر فيها .. هي كانت معجبه فيه بس مو لدرجه الحب ... بس حدها تشققت لما فهمت كلام صقر لان صقر الف وحده تتمناة بمافيهم هي ) : ------------
    صقر ( يضحك ) : دامج ساكته يعني فاهمه ... ها للحين تو الناس عليج والا غيرتي كلامج
    ساره ( منحرجه ): انا بدش داخل
    صقر : دشي احد ماسكج ... انا شكو ادشين والا تطلعين
    ساره كان ودها تكفخه بس مشت عنه لانها حدها منحرجه

    طلعوا شيخه وجاسم من الحفله رايحين الفندق ... جاسم ماحجز حق سفره لان كان عنده شغل بالدوام كلش ما يقدر ياجله وماقدر ياخذ اجازة الا 3 ايام واتفقوا هو وشيخه ان ياجلون السفره حق وقت ثاني
    ...
    وهم بالسيارة بالطريج حق الفندق
    جاسم : مبروك
    شيخه : الله يبارك فيك
    جاسم ( ماعرف شقول ... فكر وايد بس كلش مايه بباله شي ) : يوعانه ؟
    شيخه : لا
    جاسم : صج والله لا تستحين ...اذا يوعانه اطلب لج اول مانوصل الفندق او الحين امر اي مكان اخذلج شي
    شيخه : لا والله ماني يوعانه ... اذا انت يوعان اخذ لك شي
    جاسم : لا انا متعشي
    شيخه :---------------------------------------
    جاسم : تدرين شيوخ شكلج حده غير من غير حجاب ...
    شيخه : ايهو احلى ؟
    جاسم : من صجج انتي .. اكيد من غير حجاب اصلا اول ماشفتج اليوم حدي تنحت .. زين مني استوعبت ان ابوي وعمي موجودين .... عيني عليج بارده قمر اليوم صايره
    شيخه: من ذوقك

    وصلوا شيخه وجاسم الفندق دشوا السويت كانت شيخه حده منحرجه ... السويت كان غرفه وصاله وحمام ..خذت جنطتها اللي اهلها ودوها لها الفندق ... الجنطه كانت صغيرة فيها قميص النوم وغيار والبدله اللي بتطلع فيها من الفندق ومكياج وكريمات
    شيخه : جاسم انا بدش الحمام البس ...
    جاسم : لا انا الحين اخذ اغراضي واطلع الصاله
    شيخه : لا ماله داعي انا اصلا ابي اغسل
    جاسم : اخذي راحتج
    دشت شيخه الحمام غسلت مكياجها وخذت شور سريع ... فتحت الجنطه والا ينقلب ويهها : نوير الزفت انا قلتها لا تحط هالقميص .... شقول عني اول يوم لابسه جذي ... والله فشله اصلا انا ماراح اقدر البسه ... اوووووو شسوي الحين
    شيخه حدها توهقت نوره كانت حاطه لها قميص حده مغري قصير وشفاف يبين اكثر مما يستر ... شيخه توهقت بعمرها ...بس ماكان تقدر تسوي شي الا انها تلبسه ...
    بالوقت اللي كانت فيه شيخه بالحمام ... جاسم منسدح عالفراش وصله مسج : مبروك معرسنا
    جاسم : ALLAH YEBAREK FEEJ KAN WEDY AGOL LEJ EL FAL LEJ BS MA YE9ER
    ريم : WEEN EL MADAM 3ANK …. JENK BRO7EK ?
    جاسم : MADAMI TEKSHA5 LI TADREEN MA3AREES YEDAD WARANA SHE'3EL
    ريم : E NESET ENA WARAKOM SHE'3EL ? 3AD KNT NAWYA ADZ Lek 9ORTY LABSA GAMEE9 YE6AYER EL 3AGEL
    جاسم : SHLABSA ?
    ريم : MANI GAYLAT LEK A5AF ATA3BEK …. W ENTA WARAK SHE'3EL
    جاسم : DZAY 9ORTEJ AL7EEN
    ريم : MABI GAMI9Y 5AFEEF YEBAYEN KEL JESMI ASTE7Y
    جاسم بس قرا هالجمله شب نار ... هو من غير شي منغري موت ب ريم هالمرة هي اللي تغريه ... اول ما سمع باب الحمام ينفتح سوه روحه نايم ... شيخه حدها اندقرت لما لقته نايم ... ماعرفت شتسوي ... بس صج انكسر خاطرها كان ودها جاسم يشوف حلاها ويتحلا عليها ... حست احساس خايس .. خذت من الحمام روب السباحه لبسته وراحت قعت بالصاله ومن تعب يوم الملجه راحت عليها نومه ... جاسم ماامداه يسكر عينه الا هو بعد راح بسابع نومه ... اليوم الثاني قام جاسم شاف شيخه بالصاله كسرت خاطره فكر ان يشيله يوديها الفراش بس اول مالمسها قامت شيخه
    جاسم : شمنومج هني
    شيخه : ماردي شكلها راحت علي نومه
    جاسم : انزين قومي لبسي خل ننزل نتريق ميت يوع ... وزهبي اغراضج عشان عقب الريوق نروح شقتنا
    وصج عقب الريوق سوا جاسم جيك اوت وراحوا شقتهم ... شيخه كانت مستغربه من جاسم حده ماكان متلهف عليها ماجنهم معاريس ... بس هقت لان مو متعود عليها ... لبست شيخه نفنوف قصير وردي فاتح وفلت شعرها وطلعت الصاله عند جاسم اللي مافكر يرفع عينه يشوفها
    جاسم : شنو تبين نطلب عشا اليوم ؟
    شيخه( شفيه ماعنده سالفه يفتخها معاي الا الاكل ) : جاسم ... امي بدز عشا اليوم
    جاسم : ليش كلفت على حالها والله ماله داعي جان طلبنا من اي مطعم
    شيخه : لاهي قالت ان هالاسبوع غدانا وعشاها عليها وحلفت
    جاسم : والله فشله ... مايصير جذي .. ترا انا نوعي مو اكيل يعني انا يا عشا ياغدا ... وجبه وحده باليوم اكل مو ضروري ادز وجبتين
    شيخه : هي صممت .... ( وااااي بيذبحني هذا ولاجني يمه لا حتى مافكر يقرب )
    قام جاسم عن القنفه
    شيخه : شفيك .. وين بتروح ؟
    جاسم : لا بس بييب تلفوني من الدار
    شيخه : لا اقعد انا ايبه لك
    جاسم : لايبا شقالولج ماعندي ريول... انا اقوم اييبه
    شيخه : جاسم قلت انا اييبه ... اذا تبي شي قولي وانا اسويه
    جاسم : ماتقصرين طول عمرج مدللتني

    جاسم وشيخه قعدوا بالصاله يشوفون تلفزيون ... شيخه راحت المطبخ تييب شي خفيف ياكلونه و عصير .. اول ماطلعت شيخه من الصاله ... جاسم مسك تلفونه يدز مسج : TARA NA6ER EL 9ORAH
    ريم : GELT LEK ASTE7Y … MA 9AWRT
    جاسم : AZ3AL ?
    ريم : 7ABEBEEEEEEEEEEEEEE
    ماكمل جاسم مسجات لان شيخه دشت الصاله وخر التلفون عنه بس ماقدر يوخر فكره عن ريم ... عدا السبوع الاول عليهم جذي .. جاسم ماقرب لشيخه ... وماكو سوالف الا من وين لوين يوم الاثنين ... شيخه وجاسم مثل العاده بالصاله توهم مخلصين غدا
    شيخه : جاسم اطلب منك طلب ؟
    جاسم : افا عليج امراي
    شيخه : خل نطلع ... زهقت من الشقه .. من ملجنا ماطلعنا الا بيت اهلي واهلك
    جاسم (انتبه هو ولا مره طلع شيخه ) : تصدقين راح عن بالي الطلعات ... يلا قومي لبسي عشان اطلعج ... وين تبي تروحين .. امري تدللي ؟
    شيخه : افنيوز
    جاسم : تم... اوديج الافنيوز ...ووين ماتبين .... ومااردج البيت الا لماتقولين جاسم تكفى خل نرد البيت تعبت من الطلعه
    جاسم كان يعامل شيخه وايد زين ويكلمها باسلوب حيل حلو يعني مافرق عن حاله قبل الزواج بس ولامره قرب لها حتى اذا بيقعد يمها خلا بينهم مسافه شوي
    لبست شيخه وحطت مكياج كان شكلها مبين انها عروس ... لبس جاسم غترته وطلعوا .. الافنيوز ماكان وايد زحمه لان يوم دوامات ومدارس تمشوا شيخه وجاسم تالي قعدوا ب هاقنداز شوي والا يوصل جاسم مسج :
    HATHY ZOJTEK 7ADHA 3ADEYAH ENT WAIED A7LAH MNHA
    رفع جاسم عينه عن التلفون يدور ريم يمين ويسار لينا لمحها واقفه بعيد ... صد جاسم وقام يسولف مع شيخه ولا رد عالمسج ... شوي والا تيي ريم عند الكافيه ووقفت جبال جاسم ضبط ... شيخه حلوه وناعمه بس ريم حيل جميله وتعرف حق عمرها كانت لابسه نفنوف قصير وكعب عالي وفاله شعرها ... قامت تمشي صوب جاسم جنه رايحه له لما قربت عند طاولته لفت وقعدت بطاوله اللي يمهم ... جاسم صبت عظامه من حركة ريم ... شوي وقوم شيخه ومشوا ...
    جاسم : شيوخ الوضع حده خايس امشي نطلع مكان ثاني
    شيخه : بالعكس ... الوضع حده حلو وهادي حتى ماكو زحمه
    جاسم : انا كلش ماعجبني ... تدرين شلون امشي الصالحيه
    شيخه : اشمعنه ؟
    جاسم : شنو اشمعنه ... خاطري اشتري لج هديه ... امشي هناك نقي اللي يعجبج وانا اشتريه لج
    شيخه : ماله داعي
    جاسم : اقولج خاطري اييب لج هديه ....تقولين ماله داعي لا له داعي

    راح جاسم وشيخه الصالحيه شرا لها اسوارة من LV وقعدوا بستار بكس وتالي ردوا الشقه ...
    شيخه : جاسم انا بروح انام دايخه انت منت نايم ؟
    جاسم : لا بقعد اشوف تلفزيون
    شيخه : بس باجر وراك دوام
    جاسم : ماني مطول شوي ولاحقج

    جاسم من طلع من الافنيوز كان مطفي جهازه تنرفز من حركة ريم حده الحركه ماكان له داعي ... اول ماقعد بالصاله شغل جهازة والا يلقى جم مسج من ريم ... دز له مسج : ESH HAL 7ARAKAH EL BAY5AH ELI SAAWEETEEHA?
    ريم : AY 7ARAKAH ?
    جاسم : TADREEN SHNW AG9ED ANA '3AL6AN MA36EEJ WAYH
    ريم : SHFEEK ….7ABEEBY W WALHANA 3ALIH MA YE9EER AGREB ASHOFAH
    جاسم :RAYOM LA TSAWEEN MASHAKEL ? TARA MALI 5ELG 3AWAR RAS MA3A MURTY
    ريم : zotek 7Adha 3adya ana hageet enk bta5th a7la mn jethy
    جاسم : a9lan zojty gomar mo bs 7elwa 7ady yan 3aleha
    ريم حدها احترت من كلمه جاسم دزت صورتها وهي لابسه نفنوف عرس عاري ودزت مسج منو احلا انا والا هي ؟
    جاسم استخف الا ... : rayom enty tabeen tethbe7eeny ?
    ريم : umwaaaaaaaaaaaaaaaaaaaah
    تم جاسم مسجات مع ريم طول الليل لينا داخ ونام
    شيخه حدها احتارت بامر جاسم قامت الف فكرة وفكره تدور ببالها ثقتها بنفسها وايد اهتزت هقت انها مو عاجبه جاسم ... بيوم من الايام كانوا نايمين بالفراش ... شيخه اعطشت قامت تشرب ماي اول ماارجعت الفراش وانسدحت مسكها جاسم وسحبها صوبه ... شيخه : جاسم شفيك ؟
    جاسم : اششششششششششش

    خلص جاسم من شيخه باقل من 10 دقايق ... شيخه حدها كانت مصدومه ومخترعة من اللي صار كل شي صار بسرعه بسرعه مااستوعبت شي حست ان اللي جاسم سواه اغتصاب مو شي يسويه الزوج حق زوجته .. حالتها النفسيه حدها كانت تعبانه اليوم الثاني ... جاسم مافكر يحط عينه بعينها رد من الدوام حط راسه ونام واول ماقعد راح الديوانيه وخلا شيخه اللي قعدت تبجي ... هي ماكانت تدري على شنو تبجي على اللي سواه جاسم امس والا على حالها من اول ماتزوجته والا تبجي على على الاحلام اللي كانت بنيتها مع جاسم والعيشه اللي كانت حاطه ببالها يعيشها اياه ... طاف اول شهر عليهم جنه كابوس .. جاسم ما قرب ل شيخه الا 5 وكل مره كانت اسوا من اللي قبلها صار الكلام بينهم حيل قليل وكل واحد يدور شي يلهيه عن الثاني
    avatar
    tosha
    chupa مشارك
    chupa مشارك

    انثى عدد المساهمات : 48
    تاريخ التسجيل : 04/11/2009
    العمر : 27

    رد: قصه حلوه وانشالله تعجبكم

    مُساهمة من طرف tosha في الأربعاء ديسمبر 30, 2009 6:55 pm

    البارت 12 :
    ...
    شيخه مابينت اللي هي فيه حق احد حتى لامها او ساره ...وكانت تقلل زيارتها لهم مالها خلق يسالونها .... بيوم من الايام شيخه راحت بيت اهلها تزور ... كانت مع امها بالصاله :
    شيوخ يماا شفيج كل ويهج اصفر ؟ عسى ماشر ؟
    شيخه : ماشر يما مافيني شي
    ام خالد : تخشين علي بنتي واعرفج اكيد فيج شي..... شكلج ذبلان وضعفانه
    شيخه ( خانقتها العبره ) : يما قلت لج مافيني
    ام خالد: شيخه تحجي جسوم مسوي لج شي؟
    شيخه (غصب عنها بجت ): لايما بس ولهت عليكم وعلى بيتنا ... اغلب الوقت بشقتي اكون بروحي جاسم ما يرد من الدوام الا عال 3او 4 ....وبالليل مرات يطلع
    ام خالد : حبيبتي عادي تو مامركم عليكم وقت للحين ماتعود على الزواج وان عنده مرا لازم يجابلها .... انا هقيت ان في شي جايد
    شيخه : لا ماكو .... يما نوره ماراح تيي اليوم؟
    ام خالد: بلى بعد شوي بتيي .... حاستنا هالنورة ويا استقبال ولادتها اللي يشوف لويتها وحوستها يقول بجر مو الثالث
    شيخه : شوراها خل تختب ... هي وين بتولد ؟
    ام خالد : جنه رويال حياة لان دكتورتها هناك ... الله يسهل عليه ... انا مو ذابحني الا فيصل ريلها
    شيخه : ليش يما شمسوي ؟
    ام خالد : وايد معطي اختج ويه كل ماقالت شي قال تم ... ساحرته
    شيخه : يما مفروض تستانسين هذه بنتج
    ام خالد: والله اني استانس لما اشوفها مرتاحه بس اخاف باجر يمل ويقلب عليها ... ترا الريال ما يحب المرا اللي تتطلب
    وهم يسولفون دشت نوره : السلام عليكم ... شيخه ترا فيصل معاي دشي لبسي حجابج
    طلعت شيخه من الصاله ودخل فيصل : السلام عليكم عمتي ... شلونج؟
    ام خالد: هلا فيصل ... تو مانور البيت من زمان مايييت لنا ... تونا نسولف فيكم
    فيصل : عسى بالخير
    ام خالد : اكيد بالخير ... انت مانطريك الا بالخير
    فيصل : من طيبج عمتي .... عمتي شدعوة ماكو شاي .. قهوه .. اي شي
    ام خالد : افا عليك دقايق ... عاد اليوم مسويين كيكه... نوره قولي حق الخدامه تييب الشاي والكيك
    نوره : انشالله
    فيصل : ليش الخدامه ... نوره تييبهم شوراها ؟
    نوره : انا حامل
    فيصل : وخير ياطير ... انا اذكر امي لما كانت حامل فيني كانت تغسل الحوش مو بس تييب شاي
    ام خالد (تضحك ) : مشالله عليك وانت ببطن امك تشوف
    فيصل : افا عمتي تتطنزين ... لا بس امي دايم تقولي انها ليوم ولادتي وهي تنظف وتخم ماجنها حامل ونوير من قبل لا تحمل كله مالها خلق
    نوره : خاف ربك انا كله مالي خلق والله اني حايفتك حوف
    فيصل : عيل يلا ذلفي ييب الشاي
    ام خالد : شكلي نضلتكم
    فيصل : ليش ؟
    ام خالد : قبل شوي اقول حق شيخه انك مدلل نوره ووابد معطيها ويه
    فيصل : والله نوره تستاهل الدلال
    ام خالد : والله انت ما ينعرف لك
    فيصل : لا عمتي انا مرا جذي ومره جذي ...
    نوره : شفتي يما وانتوا كله ظالميني عبالكم انا مشيته مادريتوا عنه
    فيصل : عيل وين شيخه ؟
    ام خالد : كاهي الحين يايه
    شيخه يت وقعدت معاهم طول القعده فيصل كان يطفر نوره مره يجعمها ومره يدلل فيها ... شيخه استانست لاختها وضاق خلقها على عمرها
    ام خالد : فيصل شلون خالتك نوريه ؟
    فيصل : تمام عساج بخييير ... مسكينه حدها لاهيه مع فواز
    ام خالد : ليش شفيه ؟
    فيصل : والله خطب ولاهيين معاه
    نوره : ليش ماقلت لي ان فواز خطب ؟
    فيصل : شكو اقولج ... لو انج تزورين بيت اهلي جان عرفتي ... بس ماتبين تزورين وهم تبين تعرفين الاخبار
    ام خالد : نوره انتي ماتزورين بيت حمولتج؟
    فيصل : ترا من عرست شيخه نوره ولا مرة زارت ... تقول تعبانه
    ام خالد : نوره لي كلام معاج .... مبروك على فواز .. انشالله اليوم ادق على نوريه ابارك لها

    شيخه حست احساس غريب لما درت ان فواز خطب بس ماعرفت شنو هالاحساس ماكان ضيقت خلق ولا كان وناسه كان شي خايس بس مافهمت شنو هو .... طبعا ام خالد خذت نوره الدار ومسحت فيها القاع عشان هي مو قعد تزور بيت حمولتها

    جاسم كان بالديوانيه يكلم ريم ... جاسم : انتي وينج الحين ؟
    ريم : طالعه من بيت رفيجتي ؟
    جاسم : ابي اشوفج ؟
    ريم : الحين ؟
    جاسم : اي الحين عندج مانع ؟
    ريم : ليش وين المسعده ؟
    جاسم : اي مسعده ؟
    ريم : زوجتك ؟
    جاسم : مالج شغل ... ها وين اشوفج ؟
    ريم : بس مااقدر اطول ؟
    جاسم : خلصيني ... وين ؟
    اتفق جاسم وريم عالمكان ... ركبت ريم مع جاسم السياره
    جاسم : شدعوه عليج لاصقه بالباب جذي
    ريم : اخاف اقرب
    جاسم : ليش يما.... بعبع ؟
    ريم : ياريت بعبع جان اهون ... انت من اقرب منك تستخف .. جنك مو شايف بنات من قبل
    جاسم : جب ..... والله البنات على افا من يشيل بس ماكو وحده داشه خاطري الا انتي ... هذا اللي مصبرني عليج
    ريم : افا يعني انت ماتحبني ؟
    جاسم : لا احبج ... وانتي تدرين اني احبج وهذا اللي مخليج قويه ... يلا بلا مساخه تعالي قربي
    ريم : مابي جذي مكاني زين
    رن تلفون جاسم المتصله كانت شيخه
    جاسم : ريوم مابي اسمع نفسج هذه زوجتي داقه والله ان طلعتي صوت لا اهبدج ...
    ريم : اوووووف انزين
    جاسم : هلا شيوخه حبيبتي ..(يحر ريم )
    شيخه : هلا فيك ... وينك ؟
    جاسم : بالديوانيه .... تبين شي ؟
    وجاسم يكلم شيخه صارت ريم تقرب يمه وهو يوخرها بس هي كانت ادز ايده وتحرك ايدها على ويهه وتلعب بشعره .. جاسم ساح على عمره مافهم ولاكلمه من اللي شيخه قالته : شيوخ خلاص اوكي خليني اكلمج تالي ... قلت لج انشالله
    جاسم طف جهازة و خمط ريوم عنده يبوسها .. تالي وده ريم سيارنها ورجع الديوانيه قعد لليل .... رجع الشقه والا يلقى شيخه بالصاله حدها معصبه ... اول مادش قبل لا يسلم
    شيخه : وين كنت
    جاسم : خل اسلم بالاول
    شيخه : رد علي وين كنت ؟
    جاسم : شفيج بالديوانيه ؟ شصاير
    شيخه : ليش ماييت بيت اهلي ؟
    جاسم : وليش ايي ... شصاير ؟
    شيخه : انا مو دقيت عليك قلت لك ان فيصل ريل نوره بيتعشا عندنا وابوي قالي اناديك وقلتلي انشالله بيي
    جاسم : متى ؟
    شيخه : انت من صجك ؟ فشلتني جدام اهلي كشت ماييت.... وادق عليك جهازك مسكر ... احرجتني جدام فيصل توني عروس وانت ماتدري عن هوا داري ... مشت شيخه عن جاسم ودموعها على خدها من الحره والفشله
    ...
    جاسم استوعب ان شيخه قالت له انه بينطرونه على العشا بببيت اهلها وقت ماكانت ريم معاه بس هو لهى مع ريم وما انتبه .... تضايق جاسم من نفسه وكسرت خاطره شيخه .. حتى لو ان جاسم مايحبها كزوجه بس هي بنت عمه ووايد يعزها ... راح جاسم حق شيخه الدار وقعد يمها :
    شيوخه والله اسف ... صج راح عن بالي
    شيخه : ------------------------------
    جاسم : والله عورتي قلبي تكفين لا تبجين ... انا غلطان بس صدقيني نسيت
    شيخه : انزين
    جاسم : شنو يعني انزين ؟
    شيخه : شتبيني اقولك ؟
    جاسم : قولي اي شي حتى لو تسبيني بس لاتبجين ... والله ما اتحمل اشوفج تبجين
    شيخه : جاسم انت ليش تزوجتني ؟
    جاسم : شنو يعني ليش تزوجتج شقصدج ؟
    شيخه : جاسم انت ماتحبني ولا حتى قاعد تحاول انك تحبني ... شاللي خلاك تتزوجني ؟
    جاسم : شيوخ والله اني احبج حيل والله يشهد اني بهالكلمه صاج مااجذب ...
    شيخه : عيل ليش تسوي فيني جذي ... الله يخليك قول الصج خلك صريح وياي
    جاسم : والله مادري شيوخ
    شيخه : جاسم انا حيل تعبت واعصابي حدها انهارت ابيك تتكلم معاي بوضوح وتفهمني الوضع .. عالاقل ارتاح شوي
    جاسم : شيوخ ادري اني مو مهنيج بس لاتهقين اني استانس لما اتعبج ... كل السالفه اني للحين مو مستوعب ان خلاص صرنا متزوجين وانج مو بس بنت عمي ... بس خلاص راح احاول اتعدل وصدقيني ماني مضايقج مره ثانيه
    شيخه : اكيد ؟
    جاسم : اكيدين .... الحين بدق على عمي وعمتي اعتذر على اني ماييت وهم اذا تبين ادق على فيصل وحتى خدامتكم ادق عليها اعتذر لها بس انتي ماتزعلين
    شيخه : لاماله داعي
    جاسم : انزين ... باجر دقي على اهلج ونوره وفيصل عزميهم عالغدا باي مطعم تختارينه وباي يوم يناسبج ... كلج ولا شيوخه تزعل

    جاسم على كل العيوب اللي فيه ترا قلبه طيب هو شوي متناقض ... على اللي كان يسويه بشيخه كان مايقدر على زعلها ومع هذا يرد ويزعلها .... يطوف عليهم يوم ويومين زينين وايام وايد متهاوشين ...
    كان جاسم بالدوام يعابل بالاوراق اللي عنده وحايس بتصميم مشروع ( هو مهندس ) دقت شيخه عليه
    شيخه : شلونك جاسم ؟
    جاسم : بخير حبيبتي
    شيخه : جاسم نوره ولدت
    جاسم : مشالله عالبركه ... متى ولدت ؟
    شيخه : اليوم الصبح ... هي من امس بالليل بالمستشفى بس امي ما قالت لي الا لما ولدت تقول مابيغتكم تحاتون
    جاسم : ليش نحاتي ... مو اول مره تولد نوره
    شيخه : اي بس هي توها باول الثامن تعبت وولدوها
    جاسم : لا والله ... الله يقومها بالسلامه ... متى بتردين ؟
    شيخه : مادري ... بس احتمال اتاخر لان امي تبي نسوي الاستقبال باجر وللحين ماخلصنا شغل الاستقبال اكيد بقعد احوس من محل لمحل
    جاسم : الله يعينج ... بس كل شوي طمنيني عليج

    شيخه حاست حوسه اليهد من محل ورد لمحل كاكاو لمادري شنو ... رجت شقتها هلكانه ونامت مبجر عشان تريح حق اليوم الثاني لانه وراها استقبال ولويه ....
    جاسم سهران عند التلفزيون دز مسج حق ريم : shetsaween ?
    ريم : afaker feek !
    جاسم : 7adej 3ayarah
    ريم : mu 3ayarah 9ej afaker feek …. Meshtagah lek
    جاسم : damej meshtagah ashofej bajer ?
    ريم : emm….. ay 7azah ?
    جاسم : 3al 6 p.m
    ريم : ok
    جاسم : bs sem3sy mu methel kel mara etgooleen ma agdar a6awel 3emlay 7sabej agal shay 3 sa3at
    ريم : 3 sa3at @@ ween nawi twadeni ?
    جاسم : ma ra7 awadeej mukan ,,,, enty bteyeen li
    ريم : weeen ?
    جاسم : shegty




    اليوم الثاني شيخه من الصبح قاعده عشان الاستقبال سوت شعرها ويفي ولبست نفنوف رمادي بسيلفر قصير مع كعب عالي مكياجها كان حيل حلو حطت اي لاينر فوق عينها وحمره حمره كل الحريم زاغوا عليها ... ساره يت الاستقبال العصر : شيوخ شنو هذا حدج دمار ... يابخت اخوي كل هالزين عنده
    شيخه : ماعليج زوود ... ليش مايتي الصبح ؟
    ساره : دكتوري الحمار تسلط يعطينا اليوم امتحان والا والله كان ودي ايي ... شنو كان زحمه الصبح
    شيخه : اوووووووف ... شفتي البيبي
    ساره : اي بيبي..... واللي يعافيج شاذي صغير
    شيخه : حرام عليج لان مولود مبجر ... باجر يصير زوغه
    ساره : شسميتوه ؟
    شيخه : للحين مافكروا هم عبالهم انها بنت وكانوا بسمونها جنه بس طلع صبي وتوهقوا
    شوي والاادش ام فواز نوريه الكل هلى وسلم عليها شيخه لما شافت نوريه فز قلبها : هلا خالتي ... شلونج؟
    ام فواز : هلا شيوخه حبيبتي ... مبروك ماياكم
    شيخه : الله يبارك فيج خالتي .... بشري عنج ؟
    نوريه : والله بخير لاهين بهالدنيا ... اي صج مبروك زواجج ولو انها حيييييل متاخره
    شيخه : الله يبارك فيج خالتي ما قصرتي
    ام فواز تحب شيخه من قبل لا تخطبها حق ولدها ومتحسفه انها ماكانت من نصيب ولدها وشيخه قامت بخالتها قومه بالاستقبال جنها تعتذر عاللي سوته ب فواز

    هذا كان يوم شيخه اما جاسم كان يومه غير ... الصبح بالدوام جاسم يكلم ريم : ريوم ترا حدي مو فاضي لج عندي تسليم مشروع .. لا تلوعين جبدي ... قلت لج بتيين الشقه غصب عنج وريلج فوق رقبتج
    ريم : ماني يايه ... ماكو شغل ايي شقه
    جاسم : انتي شفيج انا ساكن بعماره كلها عايلات مو سكن عزابيه ... بعدين تهقين اني مااخاف عليج ولو نفرض اني مااخاف عليج شنو مااخاف على نفسي
    ريم : مابي
    جاسم : بالطقاق .. بس لايكون ادقين .. مابي اشوف رقمج الا اذا نويتي تيين وسمعي اذا طاف اليوم وما ييتي احسن لج لا ادقين لانج اذا دقيتي كلامي بكون مع ريلج مو معاي
    رقع جاسم التفلفون بويه ريم وحطه سيلنت دقت ريم وايد طنشها على وقت نهايه الدوام دزت ريم مسج حق جاسم : 5ala9 3al 5 :30 akon 3endek

    وصج عال 5:30 كانت ريم عند جاسم اول مادشت ريم الشقه : ها ارتحت الحين لما ييت
    جاسم : اي ارحت ... شهالزين يابختي كل هذا حقي
    ريم (تتلفت يمين ويسار ) : حلوه شقتك ذوقك والا ذوق المسعده ؟
    جاسم : شسالفتج على هالكلمه .. معلقه عليها ؟
    ريم : مابي اقول زوجتك
    جاسم : حلاة اللي يغارون ... انزين ليش قاعده بعيد تعالي يمي
    ريم : ماقلت لي وينها
    جاسم : اليوم استقبال اختها وماراح ترد الا متاخر لا تحاتين
    ريم : شكو احاتي ... شملحك صاير جذي الزواج يحلي
    جاسم : طول عمري حلو مو شي يديد .... دام اني حلو تعالي هني عشان تشوفيني عدل
    ريم : مابي
    جاسم : اذا مايتي انا بيي اتلج واقعدج بحضني .....

    طبعا صار بين جاسم وريم اللي جاسم من زمان يتمناه ويحلم فيه ... بس طبعا جاسم مع ريم مو مثل مع شيخه ... ريم هي اللي بخاطره ويبيها ... عقب ماطلعت ريم من عنده ... جاسم يكلم ريم بالتلفون : ريوم صج صج احبج
    ريم : ادري
    جاسم : يلعن ابو الثقه بس تصدقين يحق لج .... سمعي ترا حتى باجر بتيين لي
    ريم : شنو كل يوم السالفه ؟
    جاسم : اي كل يوم ... متى مادريت ان مرتي بتطلع مده طويله بتيين لي ...

    جاسم حده كان مستانس ومكيف ردت شيخه الشقه لقته بالصاله ماسك اللاب توب
    شيخه : شلونك جاسم ؟
    جاسم : هلا هلا .... هلا بعيون جاسم
    شيخه (استغربت من رد جاسم ) :مستانس اليوم ؟
    جاسم : وليش مااستانس ... وناستي تضايقج ؟
    شيخه : بالعكس وناستي من وناستك الله يتمم عليك ... بس شاللي مونسك جذي ؟
    جاسم : ماكو بس مستانس وخلاص
    شيخه : الله يتمم عليك.... وخرت شيخه بتروح الدار
    جاسم : على وين ؟
    شيخه : يروح الدار اغير
    جاسم : شدعوه ماتبين ترويني شلابسه والا مايصير ... قطي عبايتج خل اشوف
    شيخه وهي حدها من صدمه من طريقه جاسم ... شالت ملفعها وعبايتها...... جاسم : اوووووف اوووف شنو هذا حدج نااااار ... مشالله عليج والله اخاف انضلج .... صايره قمر
    شيخه طارت من الفرحه بكلام جاسم من تزوجوا ماتذكر انه مره مدحها : صج جاسم ؟
    جاسم : اكيد صج ... حدج صايره حلوه النفنوف حده مطلع جسمج
    شيخه انحرجت حييل من جاسم اول مره تحس انها بخاطره واول مره يكون ملهوف عليها جذي
    جاسم : من صجج تستحين مني ... ترا انا ريلج مو غريب
    شيخه : لا بس اول مره تقولي جذي كنت اهقى اني مو عاجبتك
    جاسم : الاعاجبتني ونص .. من كثر مانتي عاجبتني بهد لاب توبي وايي لج

    شيخه قعدت اليوم الثاني الدنيا مو شايلتها من الفرح اول مره جاسم يكون معاها جذي اول مره تحس ان يبيها باليوم الثاني ريم يت لي جاسم وشيخه مو بشقتها وتكرر اللي صار ...وصار كل مادرا جاسم ان ريم بطول ببيت اهلها ناده ريم وبحكم ان نورة كانت بالاربعين شيخه كانت وايد تروح بيت اهلها واطول ..... بس جاسم مخلي شيوخ يا دهينه لا تنكتين .... يمكن جاسم كان يحاول ان يعوض عن خيانته لها مع ريم ..

    بيوم من الايام وشيوخ ببيت اهلها كانت عندهم ساره ... ساره : شيوخ صقر هني ؟
    شيخه : اي بدراه ليش ؟
    ساره : لا بس اسال
    شيخه : شتبين فيه
    ساره : مابي شي ..... شيوخ قومي ناديه خل ايي يقعد معانا
    شيخه : شكو ؟ .......
    ساره : يقعد معانا احسن من ما يقعد بروحه يتوحد فيه الشيطان
    سيخه : اي شي شكو الشيطان بالسالفه
    ساره : انتي ماتشوفين مسلسلات ولا تقرين مجلات .... يقولج الوحده هي السبب الرئيسي للانحراف
    شيخه : حدج ينيتي .. اي انحراف .. من شاف ويهه ... وينه ووين الانحراف ؟ مسكين قاعد يدرس عند امتحان
    ساره : لا حبيبتي ماكو احد مسكين ... حتى لو عنده امتحان ... شدعوه مايهد الكتاب خمس دقايق عاد شوفي بهال خمس دقايق جم مسج يدز
    شيخه : اي شي
    ساره : شنو اي شي ... صقور حلو وولد عايله وفوق هذا مهندس الف وحده تركض وراه
    شيخه : حتى لو الف وحده تركض وراه مو الا ان يكلم يمكن ماله بهالخرابيط بعدين هو مو قالج ان يبي يتزوجج شكو يخربط
    ساره : انتي ماشفتي الفيلم اللي امس طلعوه شقالوا فيه ؟
    شيخه : شقالوا ؟
    ساره : الله يسلمج قالوا يا مامن الرجال يامامن الميه بالغربال
    شيخه : لا بالله انتي عقلج طار ...
    ساره : اي والله شفتي شلون ... ترا انا كنت سنعه مسنعه بس من قالي ان بيتزوجني استخفيت ... تحسين ماصدقت على الله القى ريل ... شيوخ عفيه ناديه من زمان مو شايفته ولهت على قرعته
    شيخه: ابتلشت فيج ... الحين اناديه .... دقت شيخه على صقر تنادية مارضى بالاول بس لما درا ان ساره موجوده نزل
    صقر : شلونج ساره
    ساره : تمام بخير ....... صقر : زايرتنا اليوم ؟ ...... ساره : اي ولهت عليكم .... ( ساره كانت تقصد شيخه وام خالد ونوره ) ...... صقر : ساره مو جذي اشقره عيب اختي قاعده
    ساره : شتبي ماكنت اقصدك ..... صقر : علينا انتي قلتي ولهت عليكم وانا واحد من الكم
    شيخه : صقر بسك تحرش بالبنت ... تبي شاي .... صقر : لا ابي شربات من زمان بخاطري اشرب شربات
    ساره تلف ويهه عنه من الفشله ... صقر : اقول شيوخ اليوم محلوه ... شيخه : مشكور .. صقر ( يرفع صوته ) : اقول شيوخ اليوم محلوه ... شيخه : قلت مشكور ... صقر : شرايج تنجعمين انتي ..... اقول اليوم محلوه
    ساره تبتسم ابتسامه خفيفه بس ماردت ... صقر : اشوه.... الحمدالله يارب ...ان فهمنا جان تميت لي باجر اصرخ اقول محلوه
    شيخه : صقور خلاص يلا روح دارك ... فارج

      الوقت/التاريخ الآن هو الأربعاء يناير 16, 2019 6:15 pm