تخيل نفسك الحين نايم بفراشك تسعبل عالمخده
الساعه 4 الفير ومتعمق بالنوم ميت تعب لان الويك اند كان بن كلب مابقا شي ماسويته
جك بوم فجاه يرن المنبه
ططرارارارطاانانانرطرطططاااااااااط
وتمسك فونك وتطق هذا الي يخليه بعد 10 دقايق يرن وترد تنام
وجان تمر 10 دقايق
طررطارطاطراطانانانانانااااااان
تقول اوووووف من قلب وتصك المنبه وتقوم عيونك ربع مبطله لول
تمشي تطوطح لي الحمام تكرمون وتكمل وقت بدل الضايع مال النوم على المرحاض
واختك تبي تدش تكفخ الباب لين تفز وتلبس صروالك وتروح الحنفيه
تحط ايدك على الحنفيه وتحط راسك عليها وايدك الثانيه بالماي تلعب فيه يعني قاعد تغسل لول
تخلص تروح تبدل طبعا القميص زرايره كلها صاكهم غلط والغوله مجفوسه بالمقلوب والكشه قايمه
والوالد برا طاق الجريمبه وحارق الهرن عشان حضرت جلالتك تنزل
وتتمخطر انت بكل بروووود الصمونه داعسها اب حلجك والدلاغ بيدك والجوتي لابسه اي كلام
وتوصل السياره اب كل نفسيه واخوك الصغير قاعد جدام وجان تعطيه ذيج الخزه وفتحات خشمك يتبطلون ويصكون تقول ثور برازيلي عشان تقعد جدام
وينزل اهوا مسكين يركب ورا من غير ولا كلمه وطول الطريج صمت تاااام والوالد يقول ها شدو حيلكم وانتو مشفطينله مسكين لول ولما يوصل تقوله وقف وقف بعيييدعشان البنات مايشوفون الجريمبه لول
وهذي الحاله كل يوم
ياااااالله صبااااح خيييييير
ta7eyatii MaSh0oRy =)
